ФК БАТЭ

БАТЭ
	БАТЭ
Поўная назва	; ТАА «Футбольны клуб БАТЭ»
Мянушкі	; жоўта-блакітныя;
Заснаваны	; 1996;
Горад	; Барысаў, Беларусь;
Стадыён	; Барысаў-Арэна; Умяшчальнасць: 13400;
Старшыня праўлення	; Андрэй Капскі;
Галоўны трэнер	; Аляксей Бага;
Чэмпіянат	; Вышэйшая ліга;
2018	; 01 1 месца
Сайт	; Афіцыйны сайт;
	;
; ; ; ; ; ; ; ; ; ; ; ; ; Асноўная; форма;	; ; ; ; ; ; ; ; ; ; ; ; ; Гасцявая; форма;

БАТЭ — беларускі футбольны клуб з горада Барысаў. Хатні стадыён — Барысаў-Арэна. Каманда была заснавана ў 1996 годзе. Першы беларускі клуб, які прайшоў у групавы этап Лігі чэмпіёнаў і Лігі Еўропы.

Змест

1 Гісторыя
- 1.1 1973—1981
- 1.2 1996—2006
  - 1.2.1 1996—1998 гады
  - 1.2.2 1999 год
  - 1.2.3 2000—2001 гады
  - 1.2.4 2002 год
  - 1.2.5 2003 год
  - 1.2.6 2004 год
  - 1.2.7 2005 год
  - 1.2.8 2006 год
- 1.3 2007—2011
  - 1.3.1 2007 год
  - 1.3.2 2008 год
  - 1.3.3 2009 год
  - 1.3.4 2010 год
  - 1.3.5 2011 год
- 1.4 2012 год
- 1.5 2013 год
- 1.6 2014 год
- 1.7 2015 год
- 1.8 2016 год
- 1.9 2017 год
- 1.10 2018 год

2 Цяперашні склад
- 2.1 Рэзервовы склад

3 Трансферы
- 3.1 Зіма 2018—2019
  - 3.1.1 Прыйшлі клуб
  - 3.1.2 Пакінулі клуб

4 Дасягненні

5 Статыстыка выступленняў
- 5.1 Чэмпіянат і Кубак Беларусі
- 5.2 Міжнародныя кубкі
- 5.3 Неафіцыйныя турніры

6 Стадыён

7 Вядомыя гульцы

8 Галоўныя трэнеры

9 Спасылкі

10 Зноскі

Гісторыя |

1973—1981 |

У год стварэння БАТЭ (футбольны клуб Барысаўскага завода аўтатрактарнага электраабсталявання) выступаў ва ўсходняй зоне другой групы (Д2) чэмпіянату БССР. Ужо першы сезон склаўся для БАТЭ ўдала. Па яго выніках каманда дасягнула магчымасці на наступны год выступаць у чэмпіянаце рэспублікі.

У 1974 годзе БАТЭ дасягнуў першага поспеху — стаў чэмпіёнам БССР, выйграўшы за сезон 15 матчаў з 18 праведзеных. Аднак у наступным, 1975 годзе, БАТЭ прыйшлося задавальняцца толькі пятым месцам. У 1976 годзе БАТЭ аформіў своеасаблівы дубль, выйграўшы чэмпіянат і Кубак БССР.

У далейшым БАТЭ яшчэ раз станавіўся чэмпіёнам (1979), срэбным прызёрам (1978) чэмпіянату БССР і двойчы займаў чацвёртае месца (1977, 1981). У 1981 годзе каманда была расфарміравана.

1996—2006 |

1996—1998 гады |

У 1996 годзе ініцыятыўная група вырашыла адрадзіць клуб. Прэзідэнтам футбольнага клуба БАТЭ быў абраны Анатоль Капскі, галоўным трэнерам стаў Юрый Пунтус. За два першых гады сваёй новай гісторыі клуб выйграў першынства Другой лігі і, фінішаваўшы другім у Першай, выйшаў у Вышэйшую лігу, дзе ў 1998 годзе адразу заваяваў срэбныя медалі.

1999 год |

У 1999 годзе БАТЭ захапіў лідарства з першых тураў і, так і не аддаўшы яго нікому, упершыню ў сваёй гісторыі стаў чэмпіёнам Рэспублікі Беларусь. 1999 год таксама стаў для клуба дэбютным у еўракубках. За БАТЭ тады выступалі пазнейшыя лідары зборнай Беларусі Аляксандр Глеб, Віталь Кутузаў, а таксама будучы галоўны трэнер Віктар Ганчарэнка.

2000—2001 гады |

2000 год ізноў стаў для БАТЭ «срэбным». Чэмпіянат 2001 года прынёс клубу бронзавыя ўзнагароды.

2002 год |

Сезон 2002 годзе стаў для БАТЭ неадназначным. Барысаўчане ўпершыню прабіліся ў фінал Кубка Беларусі, але з лікам 0:2 саступілі «Гомелю». Удала склаўся сезон на еўрапейскай арэне. Выступаючы ў Кубку Інтэртота, БАТЭ атрымаў упэўненую перамогу над прадстаўніком нямецкай Бундэслігі, клубам «Мюнхен-1860», а затым практычна на роўных згуляў з італьянскай «Балонняй». На фінішы чэмпіянату БАТЭ ў адчайнай барацьбе дагнаў «Нёман», які лідыраваў. У «залатым» матчы чэмпіянату атрымаў у дадатковы час перамогу з лікам 1:0, дзякуючы голу Валерыя Тарасенкі.

2003 год |

У чэмпіянаце 2003 года БАТЭ, нягледзячы на ўпэўненую гульню, да канца сезону заставаўся на пятым месцы. У апошнім туры чэмпіянату яму належала сустракацца на выездзе з мінскім «Дынама». Гэта сустрэча павінна была даць адказ на пытанне, на якім месцы апынецца БАТЭ: на другім ці пятым. Але матч завяршыўся ўпэўненай перамогай БАТЭ 4:0, і каманда зноў заваявала срэбныя медалі.

2004 год |

У 2004 годзе БАТЭ, які няўдала выступіў у Кубку УЕФА, на фінішы чэмпіянату зноў прэтэндаваў на самыя высокія месцы. Перад апошнім турам ён адставаў ад мінскага «Дынама» на два ачкі. І зноў апошняя сустрэча чэмпіянату мела быць з лідарам на выездзе. Аднак гэтым разам леташняму трыўмфу не наканавана было паўтарыцца. Саступіўшы 0:2, БАТЭ заняў другое месца.

2005 год |

Сезон 2005 года стаў самым цяжкім у гісторыі БАТЭ. Па-першае, у канцы папярэдняга сезону каманду пакінуў яе нязменны трэнер Юрый Пунтус, якога на трэнерскім мастку БАТЭ змяніў Ігар Крывушэнка. Па-другое, у новы клуб Пунтуса перайшлі шэраг маладых гульцоў, на якіх у гэтым сезоне ўскладаліся вялікія надзеі. БАТЭ саступіў у фінале Кубка МТЗ-РІПА, а па выніках чэмпіянату апынуўся на пятым месцы, упершыню ў найноўшай гісторыі застаўшыся без медалёў.

2006 год |

У 2006 годзе адзначаўся дзесяцігадовы юбілей узнаўлення клуба. І БАТЭ годна адзначыў гэту дату. Барысаўчане ўпершыню сталі ўладальнікамі Кубка Беларусі. У фінале ў дадатковы час яны з лікам 3:1 перамаглі салігорскі «Шахцёр». У чэмпіянаце БАТЭ таксама фінішаваў першым, такім чынам, зрабіўшы своеасаблівы дубль.

Але на еўрапейскай арэне клуб выступіў не ўдала, саступіўшы ў другім кваліфікацыйным раўндзе Кубка УЕФА казанскаму «Рубіну» ў абедзвюх сустрэчах з агульным лікам 0:5.

2007—2011 |

2007 год |

У 2007 годзе БАТЭ выйшаў у трэці кваліфікацыйны раўнд Лігі чэмпіёнаў УЕФА. У першым кваліфікацыйным раўндзе БАТЭ прайграў у гасцях кіпрскаму АПОЭЛу 0:2, аднак у хатнім матчы пераламіць вынік двухраундавага супрацьстаяння на сваю карысць, перайграўшы праціўніка з лікам 3:0. У другім матчы быў упэўнена перайграны ісландскі «Хабнарфіёрдур» — 3:1 на выездзе, 1:1 у хатнім матчы. У трэцім раўндзе праціўнікам БАТЭ быў румынскі клуб «Сцяўа». Першы матч у Барысаве завяршыўся з лікам 2:2, у другім матчы мацней былі румыны — 2:0. Выбыўшы з розыгрышу Лігі чэмпіёнаў, БАТЭ ў першым раўндзе Кубка УЕФА сустракаўся з іспанскім «Вільярэалам» — самым рэйтынгавым клубам розыгрышу — і атрымаў дзве паразы: 1:4 на выездзе і 0:2 на мінскім стадыёне «Дынама».

У чэмпіянаце Беларусі БАТЭ датэрмінова, за чатыры тура да фінішу, заваяваў чэмпіёнскі тытул. У розыгрышы Кубка Беларусі БАТЭ зноў дайшоў да фіналу, дзе ў серыі пасляматчавых пенальці саступіў брэсцкаму «Дынама». У канцы года Ігар Крывушэнка нечакана сышоў на пост галоўнага трэнера мінскага «Дынама», галоўнага суперніка барысаўчан. Яго месца заняў Віктар Ганчарэнка, які ўзначальваў дубль БАТЭ.

2008 год |

2008 год стаў асаблівым як у гісторыі БАТЭ, так і ўсяго беларускага футбола. БАТЭ пераадолеў трэці кваліфікацыйны раўнд Лігі чэмпіёнаў УЕФА і стаў першым у гісторыі беларускага футбола клубам, які здолеў прабіцца ў групавы этап Лігі чэмпіёнаў. У першым кваліфікацыйным раўндзе ў супернікі БАТЭ дастаўся ісландскі «Валюр», які быў пераможаны з агульным лікам 3:0 (2:0 дома і 1:0 у гасцях). У другім кваліфікацыйным раўндзе БАТЭ па суме дзвюх сустрэч сенсацыйна адолеў бельгійскі «Андэрлехт»: 2:1 у гасцях і 2:2 у хатняй сустрэчы. У трэцім кваліфікацыйным раўндзе супернікам БАТЭ быў балгарскі «Леўскі». Матч у Сафіі скончыўся з лікам 1:0 у карысць БАТЭ, а ў адказнай гульні ў Барысаве каманда забяспечыла неабходную нічыю 1:1.

У групавой стадыі БАТЭ патрапіў у групу H, разам з «Рэалам» (Мадрыд), «Ювентусам» (Турын), «Зенітам» (Санкт-Пецярбург). У першай гульні на выездзе БАТЭ саступіў «Рэалу» з лікам 0:2. У другой сваёй гульні з «Ювентусам» (2:2) БАТЭ стаў першым беларускім футбольным клубам, які набраў ачкі ў групавым этапе самага прэстыжнага еўрапейскага турніру. У трэцяй гульні на выездзе БАТЭ згуляў унічыю 1:1 з «Зенітам» з Санкт-Пецярбурга, а ў чацвёртай прайграў яму ў Мінску з лікам 0:2. У апошняй гульні групавога турніру БАТЭ згуляў з «Ювентусам» у нічыю з лікам 0:0, і ў выніку набраўшы 3 ачка ў 6 гульнях, клуб заняў апошняе месца ў групе і скончыў свой выступ у еўракубках.

31 кастрычніка 2008 года БАТЭ стаў пяцікратным чэмпіёнам Беларусі. У гэты дзень быў згуляны перанесены матч 17-га тура, у ім падапечныя Віктара Ганчарэнкі перамаглі жодзінскае «Тарпеда» з лікам 2:1 і за два тура да фінішу сталі недасягальнымі для іншых камандаў.

2009 год |

У 2009 годзе барысаўчанам не атрымалася паўтарыць поспех 2008-га ў Еўропе. У Лізе чэмпіёнаў УЕФА БАТЭ дайшоў да трэцяга раўнда (у другім перайграўшы 2 разы з лікам 2:0 македонскі клуб «Македонія» са Скоп'я), дзе саступіў па суме двух матчаў латвійскаму «Вэнтспілсу» (0:1 і 2:1, па галах на выездзе). Пасля гэтага каманда патрапіла ў плэй-офф Лігі Еўропы УЕФА, дзе сустрэлася з балгарскім «Літэксам» (Ловеч). У першым матчы на сваім стадыёне беларусы прайгралі 0:1. Аднак у матчы ў адказ барысаўчане здолелі ў асноўны час адквітаць гэты дэфіцыт, а ў дадатковае — ўпэўнена развіць гэты поспех, у выніку — перамога 4:0 і пуцёўка ў групавы этап Лігі Еўропы УЕФА. Розыгрыш у групавым этапе БАТЭ пачаў з дзвюх параз: ад «Бенфікі» — 0:2 і «Эвертана» — 1:2 (гол на рахунку Дзмітрыя Ліхтаровіча). У наступным матчы была атрымана валявая перамога над грэчаскім АЕКам 2:1 (Паўлаў, Алумона). У Грэцыі праціўнікі разышліся мірам — 2:2 (Радзівонаў, Валадзько), а пасля хатняй паразы ад «Бенфікі» 1:2 (Сасноўскі) барысаўчане страцілі шанцы на працяг барацьбы ў Лізе Еўропы. У заключным матчы групавога турніру барысаўчане на выездзе абгулялі «Эвертан» з лікам 1:0 (Юрэвіч) і з 7 ачкамі занялі 3 месца.

5 кастрычніка 2009 года, атрымаўшы перамогу над наваполацкім «Нафтанам» на полі барысаўскага гарадскога стадыёна, БАТЭ ў чацвёрты раз запар і шосты раз у найноўшай гісторыі стаў чэмпіёнам Беларусі. Яшчэ ў першым тайме ў вароты гасцей былі забіты чатыры безадказных мяча.

2010 год |

Сезон 2010 стартаваў для БАТЭ 8 сакавіка, калі ў матчы c уладальнікам Кубка Беларусі 2008/09 наваполацкім «Нафтанам» быў разыграны першы ў гісторыі Суперкубак Беларусі. Перамогшы ў серыі пасляматчавых пенальці, барысаўчане сталі першымі ўладальнікамі трафея.

23 мая 2010 года ў фінальным матчы за Кубак Беларусі на мінскім стадыёне «Дынама», БАТЭ з лікам 5:0 разграміў жодзінскае «Тарпеда» і ў другі раз у сваёй гісторыі стаў уладальнікам Кубка.

26 жніўня 2010 года заваяваў права гуляць у групавым этапе Лігі Еўропы. Папярэдне быў абыграны ісландскі «Хабнафіёрдур» (5:1 дома, 1:0 у гасцях), затым параза па суме 2 матчаў ад дацкага «Капенгагена» (0:0 дома і 2:3 у гасцях) у Лізе чэмпіёнаў. Затым у кваліфікацыі Лігі Еўропы быў двойчы абыграны партугальскі «Марыціму» (3:0 дома і 2:1 у гасцях). Па выніках лёсавання супернікамі БАТЭ сталі нідэрландскі АЗ (перамога 4:1 дома, параза 0:3 у гасцях), «Дынама» (Кіеў; 2:2 у гасцях, параза 1:4 дома), «Шэрыф» (Ціраспаль; перамога 1:0 у гасцях; перамога 3:1 дома). Па выніках групавога турніру барысаўчане ўпершыню выйшлі ў 1/16 фіналу еўрапейскага кубка, дзе па суме дзвюх сустрэч саступілі французскаму «Пары Сен-Жэрмен» (2:2 дома і 0:0 на выездзе).

13 лістапада 2010, абыграўшы ў гасцявым матчы клуб «Белшына» (Бабруйск), БАТЭ датэрмінова стаў чэмпіёнам Беларусі сезону 2010 года.

2011 год |

2 жніўня 2011 гады клуб атрымаў права гуляць у раўндзе плэй-оф чэмпіёнскай кваліфікацыі Лігі чэмпіёнаў, абыграўшы ў другім кваліфікацыйным раўндзе «Лінфілд» (1:1 у гасцях, 2:0 хаты), а ў трэцім — «Экранас» (0:0 у гасцях, 3:1 хаты). 24 жніўня БАТЭ абыграў аўстрыйскі «Штурм» у гасцях 0:2 (1:1 дома) і другі раз у сваёй гісторыі выйшаў у групавы этап Лігі чэмпіёнаў, атрымаўшы, пры гэтым, месца ў трэцім кошыку. Па выніках лёсавання БАТЭ адправіўся ў групу H разам з «Барселонай», «Міланам» і «Вікторыяй» (Пльзень).

Ліга чэмпіёнаў далася БАТЭ цяжка. Першы матч з «Вікторыяй» (Пльзень) быў згуляны з лікам 1:1. У другім матчы БАТЭ саступіў «Барселоне» з лікам 0:5. У трэцім матчы саступіў «Мілану» 0:2. Чацвёрты матч быў, мабыць, лепшым у гэтай Лізе чэмпіёнаў. БАТЭ згуляў унічыю з «Міланам» 1:1. Пяты матч быў важны: у ім вырашаўся далейшы ўдзел у Лізе Еўропы. БАТЭ прайграў матч з «Вікторыяй» (Пльзень) і амаль страціў шанцы на трэцяе месца ў групе. Апошні матч у Барселоне быў прайграны з лікам 4:0, і БАТЭ завяршыў удзел у турнірах.

У гэтым жа годзе клуб у шосты раз запар стаў чэмпіёнам Беларусі.

2012 год |

Аўтобус БАТЭ ў Брэсце

У 2012 годзе БАТЭ ў другі раз запар выйшаў у групавы этап Лігі чэмпіёнаў. У першых двух матчах барысаўчане сенсацыйна перамаглі французскі «Ліль» (3:1) і нямецкую «Баварыю» (3:1). Але ў двух наступных прайгралі іспанскай «Валенсіі» (0:3 і 2:4). Пасля чаго БАТЭ саступіў «Ліля» (0:2) і «Баварыі» (1:4) і, заняўшы трэцяе месца ў групе, перайшоў у Лігу Еўропы. Дарэчы, «Баварыя» ў тым сезоне атрымала ўпэўненую перамогу ў Лізе чэмпіёнаў, а БАТЭ стаў адзіным клубам, які змог забіць мюнхенцам больш за два мячы ў аднім матчы.

11 лістапада перамог з лікам 5:1 клуб «Мінск» і датэрмінова ў сёмы раз запар стаў чэмпіёнам Беларусі.

2013 год |

У пачатку 2013 БАТЭ гуляў у матчах 1/16 Лігі Еўропы супраць турэцкага «Фенербахчэ». У сувязі з рэканструкцыяй мінскага стадыёна «Дынама», дзе БАТЭ звычайна праводзіў міжнародныя сустрэчы, клуб быў вымушаны шукаць іншую пляцоўку. У выніку матч прайшоў у Гродна. Нягледзячы на тое, што «Фенербахчэ» амаль увесь матч было ў меньшасці, матч скончыўся ўнічыю 0:0. У адказным матчы БАТЭ прапусціў з пенальці (0:1) і скончыў выступленне ў турніры.

У чэмпіянаце 2013 БАТЭ стартаваў не вельмі ўпэўнена, у выніку чаго лідарства ў табліцы перахапіў салігорскі «Шахцёр». Улетку барысаўчане наладзілі гульню, і, атрымоўваючы перамогу за перамогай, пачалі даганяць салігорскі клуб.

Расчараваннем для аматараў клуба стала выступленне БАТЭ ў Лізе чэмпіёнаў. На першай жа стадыі (2-і кваліфікацыйны раўнд) барысаўскі клуб саступіў казахстанскаму «Шахцёру» з Караганды (0:1 дома і 0:1 у гасцях) і выбыў з розыгрышу еўракубкаў.

21 верасня 2013 БАТЭ ў гасцях перайграў салігорскі «Шахцёр» (3:0) і ўпершыню ў сезоне выйшаў на першае месца турнірнай табліцы. Дзякуючы чарзе няўдач салігорцаў БАТЭ хутка замацаваўся на першым радку.

12 кастрычніка 2013 было абвешчана аб тым, што Віктар Ганчарэнка пакідае пасаду галоўнага трэнера^[2]. Новым галоўным трэнерам быў прызначаны Аляксандр Ермаковіч.

9 лістапада 2013, атрымаўшы перамогу ў 30-м туры над «Тарпеда-БелАЗ», БАТЭ стаў дзесяціразовым чэмпіёнам Беларусі.

2014 год |

У сезоне 2014 БАТЭ быў вымушаны доўгі час змагацца за лідарства ў чэмпіянаце з мінскім «Дынама». У выніку, барысаўчанам пасля перамогі над мінчанамі ў матчы 29 тура (1 лістапада) удалося адарвацца і пасля наступнага тура датэрмінова ўзяць чарговае золата. Пры гэтым, БАТЭ паставіў рэкорд: каманда не прайгравала на працягу 31 матча чэмпіянату (ранейшы рэкорд — 29 матчаў — належаў віцебскай «Дзвіне» у сезоне 1994/95).

У Лізе чэмпіёнаў БАТЭ ўдалося чарговы, ужо чацвёрты, раз прабіцца ў групавы этап: хоць і з праблемамі, але былі пройдзеныя албанскі «Скендэрбэў», венгерскі «Дэбрэцэн» і славацкі «Слован». Але ў групавым этапе барысаўчане пацярпелі па два разгромных паражэння ад «Порту» і данецкага «Шахцёра». Адна перамога над «Атлетыкам» з Більбаа не дазволіла барысаўчанам узняцца вышэй за апошняе месца ў групе. Пры гэтым па колькасці прапушчаных у групавым этапе галоў (24) БАТЭ паставіў новы антырэкорд у гісторыі Лігі чэмпіёнаў.

2015 год |

У сезоне 2015 БАТЭ здолеў трэці раз стаць уладальнікам Кубка Беларусі, у фінале перайграўшы салігорскі «Шахцёр» з лікам 4:1. У чэмпіянаце клуб таксама не меў праблем, амаль ад пачатку сезону значна адарваўшыся ад канкурэнтаў і за чатыры туры да фінішу гарантаваўшы чарговае чэмпіёнства. Барысаўская серыя без паражэнняў у чэмпіянаце, якая была пачата ў папярэднім сезоне, была спынена толькі ў 15-м туры мінскім «Дынама» (0:1), такім чынам склала 45 матчаў.

У Лізе чэмпіёнаў БАТЭ зноў выйшаў групавы этап, па чарзе пераадолеўшы ірландскі «Дандалк», венгерскі «Відэатон» і сербскі «Партызан». Супернікамі на групавым этапе сталі «Барселона», «Рома» і «Баер», сярод якіх БАТЭ лічыўся аўтсайдэрам. Аднак у другім туры групавога этапу барысаўчане нечакана нанеслі паражэнне «Роме» (3:2). У выніку барысаўчане набралі 5 ачкоў і апынуліся апошнімі ў групе.

2016 год |

Сезон 2016 атрымаўся для БАТЭ няўдалым. Каманда другі раз запар дайшла да фіналу Кубка Беларусі, але не змагла захаваць тытул, саступіўшы ў серыі пенальці жодзінскаму «Тарпеда-БелАЗ». У Лізе чэмпіёнаў БАТЭ прайшоў у другім кваліфікацыйным раўндзе фінскі СІК, але ў трэцім саступіў ірландскаму «Дандалку» (1:0, 0:3) і выбыў у Лігу Еўропы, дзе таксама не выйшаў у групавы этап, прайграўшы ў плэй-оф кваліфікацыі па суме дзвюх сустрэч «Астане» з Казахстана (0:2, 2:2). У выніку БАТЭ ў другі раз з 2008 года застаўся без еўракубкаў восенню.

Адзіным адносным поспехам стаў упэўнены выступ у чэмпіянаце, дзе БАТЭ адразу захапіў лідарства, а асноўныя канкурэнты — мінскае «Дынама» і салігорскі «Шахцёр» — у пачатку турніру страцілі шмат ачкоў. 14 кастрычніка 2016 года ў матчы 25-га тура БАТЭ перамог мікашэвіцкі «Граніт» у Лунінцы (радзіме галоўнага трэнера барысаўчан Аляксандра Ермаковіча) з лікам 1:0 і заўчасна стаў чэмпіёнам.

2017 год |

У пачатку сезону 2017 БАТЭ прайграў ў паўфінале Кубка Беларусі брэсцкаму «Дынама» (0:2, 1:0). Няўдала пачаўся для барысаўскага клуба і чэмпіянат краіны — прапусціўшы наперад асноўных канкурэнтаў (мінскае «Дынама» і салігорскі «Шахцёр»), БАТЭ доўгі час займаў другі і трэці радок. Пры гэтым БАТЭ ў матчах з прамымі канкурэнтамі атрымаў «сухія» перамогі (1:0 і 1:0 з «Дынама», 1:0 і 4:0 з «Шахцёрам»), аднак саступіў клубам з сярэдзіны і ніжняй частцы табліцы — «Слуцку», «Віцебску», «Мінску» і «Крумкачам».

У Лізе чэмпіёнаў БАТЭ прайшоў у другім кваліфікацыйным раўндзе армянскі «Алашкерт». У трэцім раўндзе пасля гасцявога паражэння ад чэшскай «Славіі» (0:1) барысаўчане не здолелі ў хатнім матчы забяспечыць неабходны лік — перамога барысаўчан 2:1 адправіла далей «Славію». БАТЭ перайшоў у Лігу Еўропы, дзе ў двухматчавым супрацьстаянні з украінскай «Александрыяй» пасля хатняй нічыі 1:1 здабыў валявую гасцявую перамогу 2:1 і выйшаў у групавы этап. Сапернікамі ў групе сталі англійскі «Арсенал», нямецкі «Кёльн» і сербская «Црвена Звезда».

Фініш сезону 2017 у нацыянальным чэмпіянаце азмрочыўся для БАТЭ шэрагам скандалаў. Шырокую вядомасць атрымала так званая «справа Верамко»: 23 верасня на хатні матч барысаўчан супраць «Слуцка» (які скончыўся з лікам 6:0) быў заяўлены і правёў увесь матч на лаўцы запасных брамнік Сяргей Верамко, які да таго адбыў пяціматчавую дыскваліфікацыю. Але разам з дыскваліфікацыяй быў накладзены штраф, у выпадку неаплаты якога дыскваліфікацыя падаўжалася да моманту аплаты, і, як высветілася, штраф быў аплачаны Верамко толькі 27 верасня. Дысцыплінарны камітэт АБФФ за неправамоцны ўдзел іграка 13 кастрычніка прысудзіў БАТЭ тэхнічнае паражэнне ў матчы са «Слуцкам» (0:3), што значна ўскладніла БАТЭ барацьбу за чэмпіёнства. Барысаўчане падалі апеляцыю, і 10 лістапада (за два туры да канца чэмпіянату) Апеляцыйны камітэт АБФФ, прызнаўшы віну Верамко, адмяніў папярэднае рашэнне Дысцыплінарнага камітэта і вярнуў тры ачкі, абмежаваўшыся штрафам. У матчах з удзелам БАТЭ таксама быў зафіксаваны шэраг памылковых судзейскіх рашэнняў: 28 кастрычніка ў матчы з «Нафтанам» пры ліку 1:0 на карысць барысаўчан быў прызначаны пенальці ў браму БАТЭ за гульню рукой (хоць мяч трапіў у плячо Віталю Гайдучыку). Пенальці быў рэалізаваны навапалачанамі, і матч скончыўся з лікам 1:1. Пазней, 18 лістапада, у перадапошнім туры ў матчы супраць «Нёмана» пры ліку 1:1 Віталь Радзівонаў пры дапамозе сваёй рукі адправіў мяч у браму, і арбітр залічыў гол (выніковы лік 3:1 на карысць БАТЭ).

Няўдачы на фінішы «Дынама» і «Шахцёра» разам з станоўчымі для БАТЭ вынікам «справы Верамко» дазволілі барысаўчанам перад апошнім турам выйсці на першае месца ў табліцы. Пры гэтым у гасцявым матчы апошняга тура супраць «Гарадзеі» БАТЭ было дастатковы згуляць унічыю, каб стаць чэмпіёнам. Аднак, адкрыўшы лік у матчы, барысаўчане тройчы прапусцілі, і к 75-й хвіліне «Гарадзея» перамагала 3:1 (у той час як мінскае «Дынама» ўпэўнена вяло ў сваім матчы і пераганяла барысаўчан). Тым не менш, Віталь Радзівонаў, які выйшаў на замену ў БАТЭ, на 79-й хвіліне забіў з пенальці, а на пятай дададзенай хвіліне ўсталяваў канчатковы лік 3:3, што прынесла БАТЭ чарговае чэмпіёнства.

2018 год |

2018 год пачаўся для БАТЭ пад кіраўніцтвам новага трэнера — Алега Дулуба. Каманда ўпэўнена стартавала ў чэмпіянаце Беларусі, выйграўшы ў першых васьмі турах, аднак саступіла брэсцкаму «Дынама» ў Суперкубку Беларусі і ў фінале Кубка Беларусі. Пасля першых няўдач ў чэмпіянаце Беларусі — нічыі з «Іслаччу» і паражэння ад «Гарадзеі» — Дулуб быў звольнены, выканаўцам абавязкаў галоўнага трэнера стаў Аляксей Бага, які пазней быў зацверджаны на пасадзе. Пад яго кіраўніцтвам БАТЭ працягнуў паспяховы выступ у чэмпіянаце Беларусі, а ў Лізе чэмпіёнаў пасля перамог над фінскім ХІКам і азербайджанскім «Карабахам» саступіў у плэй-оф нідэрландскаму ПСВ і трапіў у групавы этап Лігі Еўропы.

22 верасня 2018 года пасля доўгай хваробы памёр старшыня праўлення клуба Анатоль Капскі, які стаяў на чале клуба з яго адраджэння ў 1996 годзе. Да канца сезону каманда выхадзіла на поле ў траўрнымі павязкамі.

4 лістапада, пасля перамогі над гродзенскім «Нёманам», БАТЭ стаў 15-разовым чэмпіёнам Беларусі. У групавым раўндзе Лігі Еўропы БАТЭ сустрэўся з венгерскім «МОЛ Відзі», англійскім «Чэлсі» і грэчаскім ПАОКам. Пачаўшы з перамогі над «МОЛ Відзі», БАТЭ пасля саступіў ПАОКу і двойчы «Чэлсі», аднак перамогі ў двух апошніх турах над «МОЛ Відзі» і ПАОКам прынеслі барысаўскаму клубу месца ў 1/16 фіналу Лігі Еўропы.

Цяперашні склад |

Станам на сакавік 2019 года, згодна з афіцыйным сайтам клуба^[3].

№	Пазіцыя	Імя	Год нараджэння
28	Бр	Аляксандр Свірскі	1999
35	Бр	Антон Чычкан	1995
48	Бр	Дзяніс Шчарбіцкі	1996

4	Аб	Аляксандар Філіпавіч	1994
17	Аб	Аляксей Рыас	1987
19	Аб	Дзмітрый Бяссмертны	1997
21	Аб	Ягор Філіпенка	1988
23	Аб	Захар Волкаў	1997
	Аб	Эміль Ёнасен	1993
	Аб	Джамалдзін Хаджаніязаў	1996

5	ПА	Яўген Яблонскі	1995
7	ПА	Яўген Бярозкін	1996
8	ПА	Станіслаў Драгун	1988

№	Пазіцыя	Імя	Год нараджэння
13	ПА	Аляксандр Глеб	1981
18	ПА	Вілюм Тоўр Вілюмсан	1998
22	ПА	Ігар Стасевіч	1985
25	ПА	Дзмітрый Бага	1990
27	ПА	Слабадан Сімавіч	1989
43	ПА	Аляксандр Нямірка	2000
47	ПА	Андрэй Патапенка	2000
94	ПА	Эрвейн Мукам	1994

9	Нап	Боян Дубаіч	1990
15	Нап	Максім Скавыш	1989
24	Нап	Ясэ Туомінен	1995
26	Нап	Няманя Міліч	1990

Рэзервовы склад |

№	Пазіцыя	Імя	Год нараджэння
	Бр	Раман Шырын	2000

44	Аб	Уладзіслаў Малькевіч	1999
	Аб	Арцём Ачкас	2000
	Аб	Уладзіслаў Бяжок	2000
	Аб	Максім Ковель	1999
	Аб	Вадзім Марцінкевіч	2000
	Аб	Аляксандр Пасько	2000
	Аб	Павел Пашэвіч	2001
	Аб	Дзмітрый Селівончык	2000
	Аб	Мікіта Супрановіч	2001

41	ПА	Валерый Бачароў	2000
50	ПА	Антон Абрамовіч	1999
73	ПА	Кірыл Ермаковіч	1999

№	Пазіцыя	Імя	Год нараджэння
	ПА	Данііл Лапцін	2000
	ПА	Максім Мякіш	2000
	ПА	Мікіта Паноў	2000
	ПА	Андрэй Рулінскі	1998
	ПА	Уладзіслаў Русенчык	2001
	ПА	Яўген Чычаў	1999

37	Нап	Ілья Сень	1999
45	Нап	Уладзіслаў Мухамедаў	1998
51	Нап	Дзмітрый Мацяш	2000
	Нап	Аляксандр Бурачонак	2000
	Нап	Іван Калошкін	2001
	Нап	Ігар Моніч	2000

Трансферы |

Зіма 2018—2019 |

Прыйшлі клуб |

Дата	Пазіцыя	Ігрок	Папярэдні клуб
14.12.2018^[4]	Нап	Боян Дубаіч	Гарадзея
28.12.2018^[5]	Нап	Няманя Міліч	Црвена Звезда
14.01.2019^[6]	Аб	Дзмітрый Бяссмертны	Мінск
15.02.2019^[7]	ПА	Вілюм Тоўр Вілюмсан	Брэйдаблік
18.02.2019^[8]	ПА	Максім Мякіш	Лейрыя
11.03.2019^[9]	Аб	Джамалдзін Хаджаніязаў	Урал
15.03.2019^[10]	Аб	Эміль Ёнасен	Будзё-Глімт

Пакінулі клуб |

Дата	Пазіцыя	Ігрок	Новы клуб
17.12.2018^[11]	Нап	Лувага Кізіта¹	Палітэхніка
20.12.2018^[12]	Аб	Няманя Мілунавіч	Црвена Звезда
21.12.2018^[13]	Нап	Мікалай Сігневіч	Ферэнцвараш
25.12.2018^[14]	Аб	Дзяніс Палякоў	Урал
27.12.2018^[15]	Нап	Міхаіл Гардзяйчук	Табол
03.01.2019^[16]	Аб	Арцём Шкурдзюк²	Энергетык-БДУ
11.01.2019^[17]	ПА	Уладзіслаў Жук³	Славія-Мазыр
12.01.2018^[18]	Аб	Максім Валадзько	Арсенал
22.01.2019^[19]	ПА	Аляксандр Джыгера⁴	Тарпеда (Мінск)
05.02.2019^[20]	Бр	Аляксей Чарных⁵	Смалявічы
01.01.2019	ПА	Антон Белязяк⁶	Смалявічы
07.02.2019^[21]	Аб	Нікола Васілевіч
08.02.2019^[22]	ПА	Мірка Іваніч	Црвена Звезда
05.03.2019^[23]	ПА	Ілья Манаянкоў⁵	Спутнік

¹З арэнды
²Падаўжэнне арэнды
³Раней — у «Слуцку» ў арэндзе
⁴Раней — у «Промні» ў арэндзе
⁵У арэнду
⁶Раней — у «Спутніку» ў арэндзе

Дасягненні |

Чэмпіён Беларусі (15): 1999, 2002, 2006—2018

Срэбраны прызёр чэмпіянату Беларусі (4): 1998, 2000, 2003, 2004

Бронзавы прызёр чэмпіянату Беларусі: 2001

Уладальнік Кубка Беларусі (3): 2006, 2010, 2015

Фіналіст Кубка Беларусі (5): 2002, 2005, 2007, 2016, 2018

Уладальнік Суперкубка Беларусі (7): 2010, 2011, 2013, 2014, 2015, 2016, 2017

Удзельнік групавой стадыі Лігі чэмпіёнаў УЕФА: сезоны 2008/2009, 2011/2012, 2012/2013, 2014/2015, 2015/2016 (першы сярод беларускіх футбольных клубаў)

Удзельнік групавой стадыі Лігі Еўропы: сезоны 2009/2010, 2010/2011, 2017/2018, 2018/2019 (першы сярод беларускіх футбольных клубаў)

Статыстыка выступленняў |

Чэмпіянат і Кубак Беларусі |

Сезон	Ліга	М	Г	В	Н	П	Галы	Ачкі	Кубак	Заўвагі
1996	Д3	1	28	25	2	1	79–10	77		Выхад у Другую лігу
1997	Д2	2	30	25	3	2	92–15	78	1/16 фіналу	Выхад у Першую лігу
1998	Д1	2	28	18	4	6	50–25	58	Чвэрцьфінал
1999	Д1	1	30	24	5	1	80–22	77	Паўфінал
2000	Д1	2	30	20	4	6	68–26	64	1/8 фіналу
2001	Д1	3	26	16	3	7	54–31	51	Чвэрцьфінал
2002	Д1	1	27¹	19	2	6	51–20	59	Фіналіст
2003	Д1	2	30	20	6	4	70–21	66	Чвэрцьфінал
2004	Д1	2	30	22	4	4	59–25	70	Паўфінал
2005	Д1	5	26	12	11	3	42–27	47	Фіналіст
2006	Д1	1	26	16	6	4	47–27	54	Уладальнік
2007	Д1	1	26	18	2	6	50–25	56	Фіналіст
2008	Д1	1	30	19	10	1	54–20	67	Паўфінал
2009	Д1	1	26	19	5	2	55–16	62	Паўфінал
2010	Д1	1	33	21	9	3	64–18	72	Уладальнік
2011	Д1	1	33	18	12	3	53–20	66	1/8 фіналу
2012	Д1	1	30	21	5	4	51–16	68	1/8 фіналу
2013	Д1	1	32	21	4	7	61–25	67	1/8 фіналу
2014	Д1	1	32	20	11	1	68–21	71	Чвэрцьфінал
2015	Д1	1	26	20	5	1	44–11	65	Уладальнік
2016	Д1	1	30	22	4	4	73–25	70	Фіналіст
2017	Д1	1	30	21	5	4	61–19	68	Паўфінал
2018	Д1	1	30	23	4	3	55–24	73	Фіналіст
2019	Д1								Чвэрцьфінал

¹ З улікам дадатковай гульні (перамога 1:0) за першае месца супраць гродзенскага «Нёмана». Уласна ў чэмпіянаце БАТЭ меў 56 ачкоў.

Міжнародныя кубкі |

Асноўны артыкул: ФК БАТЭ ў розыгрышах міжнародных кубкаў

Кубак	Г	В	Н	П	М
Ліга чэмпіёнаў	96	34	29	33	106—133
Кубак УЕФА/Ліга Еўропы	56	19	9	28	68—98
Кубак Інтэртота	6	4	1	1	8—2
Усяго	138	50	35	53	160—197

Сезон	Спаборніцтва	Раўнд		Дома	У гасцях	Вынік
1999/00	Кубак УЕФА	к/р	Лакаматыў (Масква)	1:7	0:5	1:12
2000/01	Ліга чэмпіёнаў	1 к/р	Шырак (Гюмры)	2:1	1:1	3:2
		2 к/р	Хельсінгбарг	0:3	0:0	0:3
2001/02	Кубак УЕФА	к/р	Дынама (Тбілісі)	4:0	1:2	5:2
		1 раўнд	Мілан	0:2	0:4	0:6
2002	Кубак Інтэртота	1 раўнд	Акадэміск (Капенгаген)	1:0	2:0	3:0
		2 раўнд	Мюнхен 1860	4:0	1:0	5:0
		3 раўнд	Балоння	0:0	0:2	0:2
2003/04	Ліга чэмпіёнаў	1 к/р	Багеміянс (Дублін)	1:0	0:3	1:3
2004/05	Кубак УЕФА	1 к/р	Дынама (Тбілісі)	2:3	0:1	2:4
2005/06	Кубак УЕФА	1 к/р	Тарпеда (Кутаісі)	5:0	1:0	6:0
		2 к/р	Крылы Саветаў (Самара)	0:2	0:2	0:4
2006/07	Кубак УЕФА	1 к/р	Ністру (Атач)	2:0	1:0	3:0
		2 к/р	Рубін (Казань)	0:2	0:3	0:5
2007/08	Ліга чэмпіёнаў	1 к/р	АПОЭЛ (Нікасія)	3:0 (д. ч.)	0:2	3:2
		2 к/р	Хабнарфіёрдур	1:1	3:1	4:2
		3 к/р	Сцяўа (Бухарэст)	2:2	0:2	2:4
2007/08	Кубак УЕФА	1 раўнд	Вільярэал	0:2	1:4	1:6
2008/09	Ліга чэмпіёнаў	1 к/р	Валюр (Рэйк’явік)	2:0	1:0	3:0
		2 к/р	Андэрлехт (Брусель)	2:2	2:1	4:3
		3 к/р	Леўскі (Сафія)	1:1	1:0	2:1
		Група H	Рэал (Мадрыд)	0:1	0:2
		Група H	Ювентус (Турын)	2:2	0:0
		Група H	Зеніт (Санкт-Пецярбург)	0:2	1:1
2009/10	Ліга чэмпіёнаў	2 к/р	Македонія (Скоп’е)	2:0	2:0	4:0
		3 к/р	Вэнтспілс	0:1	2:1	2:2
2009/10	Ліга Еўропы	Плэй-оф	Літэкс (Ловеч)	0:1	4:0 (д. ч.)	4:1
		Група I	Бенфіка (Лісабон)	1:2	0:2
		Група I	Эвертан (Ліверпул)	1:2	1:0
		Група I	АЕК (Афіны)	2:1	2:2
2010/11	Ліга чэмпіёнаў	2 к/р	Хабнарфіёрдур	5:1	1:0	6:1
		3 к/р	Капенгаген	0:0	2:3	2:3
2010/11	Ліга Еўропы	Плэй-оф	Марытыму (Фуншал)	3:0	2:1	5:1
		Група E	АЗ (Алкмар)	4:1	0:3
		Група E	Дынама (Кіеў)	1:4	2:2
		Група E	Шэрыф (Ціраспаль)	3:1	1:0
		1/16	Пары Сен-Жэрмен	2:2	0:0	2:2
2011/12	Ліга чэмпіёнаў	2 к/р	Лінфілд (Белфаст)	2:0	1:1	3:1
		3 к/р	Экранас (Панявежыс)	3:1	0:0	3:1
		Плэй-оф	Штурм (Грац)	1:1	2:0	3:1
		Група H	Вікторыя (Пльзень)	0:1	1:1
		Група H	Барселона	0:5	0:4
		Група H	Мілан	1:1	0:2
2012/13	Ліга чэмпіёнаў	2 к/р	Вардар (Скоп’е)	3:2	0:0	3:2
		3 к/р	Дэбрэцэн	1:1	2:0	3:1
		Плэй-оф	Хапаэль (Кір’ят-Шмана)	2:0	1:1	3:1
		Група F	Ліль	0:2	3:1
		Група F	Баварыя (Мюнхен)	3:1	1:4
		Група F	Валенсія	0:3	2:4
2012/13	Ліга Еўропы	1/16	Фенербахчэ (Стамбул)	0:0	0:1	0:1
2013/14	Ліга чэмпіёнаў	2 к/р	Шахцёр (Караганда)	0:1	0:1	0:2
2014/15	Ліга чэмпіёнаў	2 к/р	Скендэрбэў (Корча)	0:0	1:1	1:1
		3 к/р	Дэбрэцэн	3:1	0:1	3:2
		Плэй-оф	Слован (Браціслава)	3:0	1:1	4:1
		Група H	Порту	0:3	0:6
		Група H	Атлетык (Більбаа)	2:1	0:2
		Група H	Шахцёр (Данецк)	0:7	0:5
2015/16	Ліга чэмпіёнаў	2 к/р	Дандалк	2:1	0:0	2:1
		3 к/р	Відэатон (Секешфехервар)	1:0	1:1	2:1
		Плэй-оф	Партызан (Бялград)	1:0	1:2	2:2
		Група E	Баер 04 (Леверкузен)	1:1	1:4
		Група E	Рома	3:2	0:0
		Група E	Барселона	0:2	0:3
2016/17	Ліга чэмпіёнаў	2 к/р	СІК (Сейняёкі)	2:0	2:2	4:2
		3 к/р	Дандалк	1:0	0:3	1:3
2016/17	Ліга Еўропы	Плэй-оф	Астана	2:2	0:2	2:4
2017/18	Ліга чэмпіёнаў	2 к/р	Алашкерт (Мартуні)	1:1	3:1	4:2
		3 к/р	Славія (Прага)	2:1	0:1	2:2
2017/18	Ліга Еўропы	Плэй-оф	Александрыя	1:1	1:2	2:3
		Група H	Црвена Звезда (Бялград)	0:0	1:1
		Група H	Арсенал (Лондан)	2:4	0:6
		Група H	Кёльн	1:0	2:5
2018/19	Ліга чэмпіёнаў	2 к/р	ХІК (Хельсінкі)	0:0	2:1	2:1
		3 к/р	Карабах (Агдам)	1:1	1:0	2:1
		Плэй-оф	ПСВ (Эйндхавен)	2:3	0:3	2:6
2018/19	Ліга Еўропы	Група L	МОЛ Відзі (Секешфехервар)	2:0	2:0
		Група L	ПАОК (Салонікі)	1:4	3:1
		Група L	Чэлсі (Лондан)	0:1	1:3
		1/16	Арсенал (Лондан)	1:0	0:3	1:3

Неафіцыйныя турніры |

Сезон	Спаборніцтва	Раўнд		Вынік
2000	Кубак чэмпіёнаў Садружнасці	Група В	Дынама (Кіеў)	0:0
		Група В	Сконта (Рыга)	1:3
		Група В	Шырак (Гюмры)	5:1
		Паўфінальная група	Спартак (Масква)	1:5
		Паўфінальная група	Зімбру (Кішынёў)	0:4
2003	Кубак чэмпіёнаў Садружнасці	Група В	Рэгар-ТадАЗ	2:0
		Група В	Сконта (Рыга)	1:1
		Група В	Пюнік (Ерэван)	1:1
		1/4 фінала	Лакаматыў (Масква)	1:3
2007	Кубак чэмпіёнаў Садружнасці	Група А	Рэгар-ТадАЗ	2:0
		Група А	ЦСКА (Масква)	0:2
		Група А	Актабэ	2:0
		1/4 фінала	Шэрыф (Ціраспаль)	0:1
2008	Кубак чэмпіёнаў Садружнасці	Група D	Бананц (Ерэван)	1:1
		Група D	Дынама (Кіеў)	1:1
		Група D	Пахтакор (Ташкент)	2:1
		1/4 фінала	Алімпі (Руставі)	2:1
		Паўфінал	Хазар-Ленкарань	1:2

Стадыён |

Барысаў-Арэна

Доўгі час клуб гульні праводзіў на Барысаўскім гарадскім стадыёне, пабудаваным у 1963 годзе. Тады была ўзведзена адна трыбуна — заходняя. Зараз стадыён налічвае дзве трыбуны, агульнай умяшчальнасцю 5402 чалавекі. Усталяваныя мачты штучнага святла, ёсць электратабло. У 2008 над усходняй трыбунай пабудаваны казырок. Матчы групавых этапаў еўракубкаў БАТЭ праводзіў на мінскім стадыёне «Дынама».

У 2010 распачата будаўніцтва новага стадыёна. У 2014 Барысаў-Арэна ўведзена ў строй.

Вядомыя гульцы |

Наступныя гульцы БАТЭ выклікаліся ў нацыянальныя зборныя сваіх краін. Тлустым пазначаны гульцы, якія выклікаліся ў зборную падчас выступаў за БАТЭ.

Завен Бадаян

Аганес Гааран

Ілья Алексіевіч

Эдгар Аляхновіч

Дзмітрый Бага

Максім Бардачоў

Генадзь Блізнюк

Мікалай Бранфілаў

Рэнан Брэсан

Віталь Булыга

Яўген Бярозкін

Аляксандр Валадзько

Максім Валадзько

Раман Васілюк

Сяргей Верамко

Андрэй Гарбуноў

Міхаіл Гардзяйчук

Аляксандр Глеб

Аляксандр Гутар

Юрый Дарашкевіч

Станіслаў Драгун

Максім Жаўнерчык

Юрый Жаўноў

Дзмітрый Камароўскі

Арцём Канцавы

Аляксандр Карніцкі

Юрый Кендыш

Уладзіслаў Клімовіч

Сяргей Крывец

Віталь Кутузаў

Яўген Лашанкоў

Дзмітрый Ліхтаровіч

Дзмітрый Мазалеўскі

Дзмітрый Молаш

Павел Няхайчык

Дзяніс Палякоў

Аляксандр Паўлавец

Аляксандр Паўлаў

Віталь Радзівонаў

Арцём Радзькоў

Філіп Рудзік

Аляксей Рыас

Мікалай Рындзюк

Сяргей Сасноўскі

Міхаіл Сівакоў

Мікалай Сігневіч

Максім Скавыш

Вадзім Скрыпчанка

Ігар Стасевіч

Алег Страхановіч

Валерый Стрыпейкіс

Ягор Філіпенка

Васіль Хамутоўскі

Сяргей Чэрнік

Алег Шкабара

Дзяніс Шчарбіцкі

Ігар Шытаў

Аляксандр Юрэвіч

Валерыянэ Гвілія

Вілюм Тоўр Вілюмсан

Каспарс Дубра

Аляксандар Еўціч

Мацея Кежман

Няманя Мілунавіч

Філіп Младэнавіч

Лувага Кізіта

Ясэ Туомінен

Юрыца Булят

Мірка Іваніч

Няманя Нікаліч

Марка Сіміч

Артур Пік

Галоўныя трэнеры |

Леў Мазуркевіч (1973 — 1981)

Юрый Пунтус (1996 — 2004)

Ігар Крывушэнка (2005 — 2007)

Віктар Ганчарэнка (2007 — кастрычнік 2013)

Аляксандр Ермаковіч (кастрычнік 2013 — студзень 2018)

Алег Дулуб (студзень — чэрвень 2018)

Аляксей Бага (в.а. у чэрвені — жніўні 2018; са жніўня 2018)

Спасылкі |

Афіцыйны сайт

Футбольны клуб БАТЭ (Барысаў) на афіцыйным сайце Рэспублікі Беларусь

Зноскі

↑ История развития футбола в Борисове

↑ БАТЭ объявил об уходе Гончаренко в «Кубань»

↑ Основной состав

↑ Боян Дубайич сменил "Городею" на БАТЭ

↑ БАТЭ объявил о подписании контракта с Неманьей Миличем

↑ Дмитрий Бессмертный стал игроком БАТЭ

↑ Исландский центрхав Виллюмссон перейдет в БАТЭ

↑ Мякиш подписал контракт с БАТЭ

↑ Российский защитник Ходжаниязов подписал контракт с БАТЭ

↑ Норвежский защитник Йонассен стал игроком БАТЭ

↑ Кизито покинул БАТЭ

↑ Милунович официально стал игроком "Црвены Звезды"

↑ Николай Сигневич стал игроком "Ференцвароша"

↑ "Урал" объявил о подписании контракта с Поляковым

↑ Михаил Гордейчук стал игроком "Тобола"

↑ "Энергетик-БГУ" продлил аренду защитника БАТЭ

↑ БАТЭ расторг контракт с Жуком

↑ Максим Володько стал игроком тульского "Арсенала"

↑ Джигеро покинул БАТЭ

↑ БАТЭ отдал вратаря в аренду "Смолевичам"

↑ БАТЭ расторг контракт с Василевичем

↑ БАТЭ объявил о переходе Иванича в "Црвену Звезду"

↑ Манаенков и Диченков стали игроками «Спутника»

Вышэйшая ліга чэмпіянату Беларусі па футболе 2018

БАТЭ · Віцебск · Гарадзея · Гомель · Дняпро · Дынама-Брэст · Дынама Мінск · Іслач · Мінск · Нёман · Прамень · Слуцк · Смалявічы · Тарпеда-БелАЗ · Тарпеда Мінск · Шахцёр

[1] История развития футбола в Борисове

[2] БАТЭ объявил об уходе Гончаренко в «Кубань»

[3] Основной состав

[4] Боян Дубайич сменил "Городею" на БАТЭ

[5] БАТЭ объявил о подписании контракта с Неманьей Миличем

[6] Дмитрий Бессмертный стал игроком БАТЭ

[7] Исландский центрхав Виллюмссон перейдет в БАТЭ

[8] Мякиш подписал контракт с БАТЭ

[9] Российский защитник Ходжаниязов подписал контракт с БАТЭ

[10] Норвежский защитник Йонассен стал игроком БАТЭ

[11] Кизито покинул БАТЭ

[12] Милунович официально стал игроком "Црвены Звезды"

[13] Николай Сигневич стал игроком "Ференцвароша"

[14] "Урал" объявил о подписании контракта с Поляковым

[15] Михаил Гордейчук стал игроком "Тобола"

[16] "Энергетик-БГУ" продлил аренду защитника БАТЭ

[17] БАТЭ расторг контракт с Жуком

[18] Максим Володько стал игроком тульского "Арсенала"

[19] Джигеро покинул БАТЭ

[20] БАТЭ отдал вратаря в аренду "Смолевичам"

[21] БАТЭ расторг контракт с Василевичем

[22] БАТЭ объявил о переходе Иванича в "Црвену Звезду"

[23] Манаенков и Диченков стали игроками «Спутника»