Зінаіда Аляксандраўна Бандарына

Зінаіда Аляксандраўна Бандарына
	Зінаіда Аляксандраўна Бандарына
Асабістыя звесткі
Дата нараджэння:	; 11 кастрычніка 1909(1909-10-11);
Месца нараджэння:	; Гродна, Гродзенскі павет, Гродзенская губерня, Літоўскае генерал-губернатарства, Расійская імперыя;
Дата смерці:	; 16 красавіка 1959(1959-04-16) (49 гадоў);
Месца смерці:	; Мінск, БССР, СССР;
Пахаванне:	; Усходнія могілкі;
Грамадзянства:	; Беларусь;
Альма-матар:	; Мінскі беларускі педагагічны тэхнікум[d]; ; Усерасійскі дзяржаўны ўніверсітэт кінематаграфіі імя С. А. Герасімава; ;
Літаратурная дзейнасць
Род дзейнасці:	; перакладчыца, пісьменніца, паэтка;

У Вікіпедыі ёсць артыкулы пра іншых асоб з прозвішчам Бандарына.

Зінаіда Аляксандраўна Бандарына (11 кастрычніка 1909, Гродна — 16 красавіка 1959, Мінск) — беларуская празаік, паэт, перакладчык^[1].

Змест

1 Біяграфія

2 Творчасць
- 2.1 Творы

3 Зноскі

4 Літаратура

Біяграфія |

Нарадзілася ў сям'і настаўнікаў. Пасля школы працавала ў саўгасе «Тарасава» Мінскага раёна, у 1925—1927 загадчыцай дзіцячага сада ў Дзяржынску. Скончыла Мінскі беларускі педагагічны тэхнікум (1927). Працавала настаўнікам у беларускай школе ў сібірскім пасёлку Медзякова ў Новасібірскай вобласці (1927—1928), супрацоўнікам Гомельскай газеты «Палеская праўда» (1928—1929).

Скончыла літаратурна-сцэнарны факультэт Інстытута кінематаграфіі ў Маскве (1933)^[1]. Загадвала сцэнарным аддзяленнем Віцебскага кінатэхнікума (1933—1934). Скончыла аспірантуру пры Акадэміі мастацтвазнаўства ў Ленінградзе (1937), працавала на кінастудыях і тэатрах Масквы, Архангельска, Горкага.

Падчас 2-й сусветнай вайны на службе ў Чырвонай Арміі. Працавала ў часопісе «Бярозка», на Беларускім радыё (1945—1946), Доме народнай творчасці ў Гродна (1946—1948). У 1948—1950 загадчыца філіяла музея Я. Купалы ў Вязынцы. Супрацоўніца газет «Зорка», «Літаратура і мастацтва» (1950—1956). Член Саюза пісьменнікаў СССР (з 1957). Пахавана на Усходніх могілках у Мінску.

Творчасць |

Друкавалася з 1926^[1]. Аўтар зборніка вершаў «Веснацвет» (1931), зборніка апавяданняў для дзяцей «Лясныя госці» (1960), аповесцяў «Шуміць тайга» (1928), «Дыпломная работа» (1953), «Галіна Ільіна» (1959, апошнія дзве на рускай мове). Аповесць «Ой, рана на Івана…» (1956) пра дзіцячыя і юнацкія гады Я. Купалы^[1].

Творы |

Веснацвет. Вершы 1926—1929. Мн. 1931.

Ой, рана на Івана… Старонкі маленства Янкі Купалы. Аповесць. Мн. 1956.

Галина Ильина. Повесть. Мн. 1959.

Лясныя госці. Апавяданні. 1960.

Ой, рана на Івана… Аповесць аб дзіцячых і юнацкіх гадах Я. Купалы. Мн. 1979.

Ой, рана на Івана. Аповесць. Мн. 1979.

Зноскі

↑ ^1,0^1,1^1,2^1,3 Бондарина Зинаида Александровна // Биографический справочник — Мн.: «Белорусская советская энциклопедия» имени Петруся Бровки, 1982. — Т. 5. — С. 71. — 737 с.

Літаратура |

Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн.: БелЭн, 1996. — 480 с.: іл. ISBN 985-11-0061-7 (т. 2), ISBN 985-11-0035-8

Бандарына Зінаіда Аляксандраўна // Памяць: гісторыка-дакументальная хроніка Дзяржынскага раёна. — Мн.: 2004. — С. 261—262.

[БС-1] 1,0^1,1^1,2^1,3 Бондарина Зинаида Александровна // Биографический справочник — Мн.: «Белорусская советская энциклопедия» имени Петруся Бровки, 1982. — Т. 5. — С. 71. — 737 с.

搜尋此網誌

Hfrxdjt