ФК Тотэнхэм Хотспур

Тотэнхэм Хотспур
	Тотэнхэм Хотспур
Поўная назва	; Tottenham Hotspur Football Club
Мянушкі	; Шпоры, Лілова-белыя;
Заснаваны	; 1882;
Горад	; Лондан, Англія;
Стадыён	; Уэмблі; Умяшчальнасць: 90 000;
Уладальнік	; ENIC Group[d];
Прэзідэнт	; Дэніел Леві;
Галоўны трэнер	; Маўрысіа Пачэціна;
Чэмпіянат	; Прэм’ер-ліга;
2017/18	; 03 3 месца
Сайт	; tottenhamhotspur.com;
	;

«Тотэнхэм Хотспур» (англ.: Tottenham Hotspur FC) — англійскі футбольны клуб. Штаб-кватэра і стадыён знаходзяцца ў паўночнай частцы Лондана. За сваю больш чым стогадовую гісторыю клуб стаў адным з самых тытулаваных на імглістым Альбіёне. Дата заснавання клуба — 1882 год. Дэвіз клуба — Audere est Facere («Адважыцца — значыць зрабіць»).

«Тотэнхэм Хотспур» першым у XX стагоддзі зрабіў залаты дубль, выйграўшы і чэмпіянат, і Кубак Англіі ў сезоне 1960/61. У 1963 годзе «шпоры» сталі першым брытанскім клубам, які стаў уладальнікам еўрапейскага кубка, як Кубка ўладальнікаў кубкаў УЕФА. У 1980-я гады «Шпоры» выйгралі некалькі трафеяў: двойчы Кубак Англіі, Суперкубак Англіі, Кубак УЕФА ў сезоне 1983—1984 гадоў. У 2008 годзе клуб выйграў Кубак Футбольнай лігі, перайграўшы ў фінале «Чэлсі» з лікам 2:1 у дадатковы час, такім чынам, «Тотэнхэм» атрымлівае тытул хоць бы адзін раз на дэкаду на працягу апошніх 60 гадоў, як і «Манчэстэр Юнайтэд».

«Тотэнхэм» мае даўняе суперніцтва з бліжэйшым суседам «Арсеналам»: матчы паміж гэтымі дзвюма камандамі называюць «Паўночналонданскім дэрбі».

Змест

1 Гісторыя
- 1.1 Заснаванне
- 1.2 1887—1919 гады

2 Дасягненні

3 Склад

4 Спасылкі

Гісторыя |

Заснаванне |

Гісторыя клубу «Тотэнхэм Хотспур» пачалася 5 верасня 1882 года, калі некалькі вучняў адной з мясцовых школ вырашылі заснаваць сваю футбольную каманду. Яны былі членамі крыкетнага клуба, але крыкетны сезон ужо скончыўся, а хацелася пагуляць яшчэ ў што-небудзь. Першапачаткова каманда звалася «Хотспур» у гонар сэра Генры Персі па мянушцы Хотспур, якую ён атрымаў за запальчывы нораў. Першапачатковы офіс маладога клуба знаходзіўся ў Асацыяцыі маладых хрысціян. З 1884 клуб атрымаў сваю сённяшнюю назву, каб клуб не блыталі з іншай камандай — «Лондан Хотспур».

1887—1919 гады |

Фінальная сустрэча на Кубак Англіі 1901 года

Першы афіцыйна зарэгістраваны матч «Тотэнхэм» правёў супраць клуба «Даян Сквер» — продка будучага «Арсенала». Гульня так і не скончылася з-за змяркання, але на момант заканчэння гульні лік быў 2:1 на карысць «Тотэнхэма». А першы афіцыйны матч на першынство Англіі адбыўся 24 верасня 1892 года ў першынстве Паўднёвага альянсу. Быў пераможаны «Політэхнік» з лікам 2:1. У 1899 годзе «шпоры» пераехалі на «Гай Роўд». У далейшым гэта месца стала называцца «Уайт Харт Лэйн». У 1900 годзе каманда атрымала перамогу ў турніры на Кубак Паўднёвай лігі, які дазволіў «Тотэнхэму» згуляць у Кубку Англіі, дзе «шпоры» здолелі прасунуцца да фіналу. Іхным супернікам быў «Шэфілд Юнайтэд», на стадыёне «Крыстал Пэлас» было прададзена 114 815 квіткоў. На 11-й хвіліне матчу «Шэфілд» адкрыў лік, але нападнік «шпораў» Аляксандр Браўн яго зрабіў роўным. На 50-й хвіліне той жа Браўн вывеў лонданскі клуб наперад, але праз хвіліну «Шэфілд» забіў вельмі спрэчны гол: пасля пракіду мяча ў штрафную пляцоўку брамнік «шпораў» выпусціў мяч з рук. Суддзя на лініі палічыў, што трэба прызначыць вуглавы, але галоўны арбітр сустрэчы залічыў гол, які стаў апошнім у матчы. У выніку была прызначына яшчэ адна гульня, якая прайшла на гэты раз у Болтане. «Тотэнхэм» прапусціў першым, але здолеў адыграцца і перамог з лікам 3:1. У парыве пачуццяў, калі капітану каманды Джонсу ўручалі кубак, жонка дырэктара клуба павязала на кубак некалькі рознакаляровых стужачак. З тых часоў гэта стала традыцыяй.

У 1908 годзе «Тотэнхэм» патрапіў у другі дывізіён замест «Сток Сіці» і адразу заняў другое месца, выйшаўшы ў першы дывізіён. Там ён заняў 15 месца. У 1915 годзе «Тотэнхэм» заняў апошняе месца і адправіўся ў другі дывізіён, але з-за Першай сусветнай вайны футбольныя спаборніцтвы былі перапынены. У 1919 годзе пасля сканчэння вайны вышэйшую лігу фарміравалі зноў і вырашылі павялічыць колькасць яе членаў да 22, аднак «шпоры» патрапілі ў другі дывізіён.

Дасягненні |

Чэмпіён Англіі: 2
- 1951, 1961

Уладальнік Кубка Англіі: 8
- 1901, 1921, 1961, 1962, 1967, 1981, 1982, 1991

Уладальнік Кубка англійскай лігі: 4
- 1971, 1973, 1999, 2008

Уладальнік Кубка кубкаў: 1
- 1963

Уладальнік Кубка УЕФА: 2
- 1972, 1984

Склад |

Станам на люты 2019 года.

№	Пазіцыя	Імя	Год нараджэння
1	Бр	Уго Льярыс	1986
2	Аб	Кіран Трып’ер	1990
3	Аб	Дэні Роўз	1990
4	Аб	Тобі Алдэрвейрэлд	1989
5	Аб	Ян Вертонген	1987
6	Аб	Давінсан Санчэс	1996
7	Нап	Сон Хын Мін	1992
8	ПА	Гары Уінкс	1996
10	Нап	Гары Кейн	1993
11	ПА	Эрык Ламела	1992
12	ПА	Віктар Ваньяма	1991
13	Бр	Мішэл Ворм	1983

№	Пазіцыя	Імя	Год нараджэння
15	Аб	Эрык Даер	1994
16	Аб	Кайл Уокер-Пітэрс	1997
17	ПА	Муса Сісако	1989
18	Нап	Фернанда Льярэнтэ	1985
20	ПА	Дэле Алі	1996
21	Аб	Хуан Фойт	1998
22	Бр	Паўла Гасаніга	1992
23	ПА	Крысціян Эрыксен	1992
24	Аб	Серж Ар’е	1992
27	ПА	Лукас Мора	1992
33	Аб	Бэн Дэвіс	1993
	Нап	Вінсент Янсен	1994

Спасылкі |

На Вікісховішчы ёсць медыяфайлы па тэме ФК Тотэнхэм Хотспур

Афіцыйны сайт (англ.)

Сайт заўзятараў Тотэнхэм Хотспур (руск.)

搜尋此網誌

Hfrxdjt