ФК Куінз Парк Рэйнджэрс

Куінз Парк Рэйнджэрс
	Куінз Парк Рэйнджэрс
Поўная назва	; Queens Park Rangers Football Club
Мянушкі	; Абручы;
Заснаваны	; 1882;
Горад	; Лондан, Англія;
Стадыён	; Лофтус Роўд; Умяшчальнасць: 18 360;
Уладальнік	; Tune Group[d] і Tony Fernandes[d];
Прэзідэнт	; Тоні Фернандэс;
Галоўны трэнер	; Стыў Мак-Кларэн;
Чэмпіянат	; Футбольная ліга;
2017/18	; 16 месца
Сайт	; Афіцыйны сайт;
	;

«Куінз Парк Рэйнджэрс» (англ.: Queens Park Rangers) — англійскі футбольны клуб, які базуецца ў заходняй частцы Лондана. «Куінз Парк Рэйнджэрс» таксама шырока вядомы па скарочанай назве КПР. Іх таксама называюць «Рэйнджэрс» і «Гупс» (англ.: hoops — «абручы», з-за папярочных бела-блакітных палосаў іх асноўнай традыцыйнай формы). На працягу многіх гадоў клуб гуляў хатнія матчы на розных стадыёнах, перш чым атрымаў у сваё карыстанне «Лофтус Роўд» у 1917 годзе. У сезонах 1931/32 і пазней у 1962/63 каманда таксама гуляла на стадыёне «Уайт Сіці», каб прыцягнуць большую колькасць заўзятараў^[1]. Дзякуючы сваёй блізкасці да іншых клубаў на захадзе Лондана, КПР падтрымліваюць даўнюю канкурэнцыю з некалькімі іншымі клубамі ў гэтым раёне. Найбольш прыкметнымі з іх з’яўляюцца «Чэлсі», «Фулхэм» і «Брэнтфард», з якімі яны маюць супрацьстаянне вядомае як Дэрбі заходняга Лондана. Клуб і яго заўзятары падтрымліваюць даўняе суперніцтва з клубам «Уотфард», нягледзячы на тое, што ў апошні час яно стала менш прыкметным.

Змест

1 Гісторыя
- 1.1 Канец XIX стагоддзя
- 1.2 Першая палова XX стагоддзя
- 1.3 Другая палова XX стагоддзя

2 Тытулы

3 Склад

4 Вядомыя ігракі

5 Зноскі

6 Спасылкі

Гісторыя |

Канец XIX стагоддзя |

Футбольны клуб быў утвораны ў 1882 годзе, калі каманда, вядомая як «Сент-Джудз» была аб’яднаная з «Крайстчэрч Рэйнджэрс». Новы клуб атрымаў назву «Куінз Парк Рэйнджэрс» альбо больш вядомую ў скарачэнні КПР, паколькі большасць ігракоў жылі ў Куінз-Парку на паўночным захадзе Лондана. У 1889 годзе КПР стаў прафесійным клубам.

Першая палова XX стагоддзя |

З 1920 года каманда пачала выступаць у Трэцім дывізіёне і толькі ў сезоне 1947/48 КПР, пад кіраўніцтвам Дэйва Меньёлы, нарэшце перамог турнір і атрымаў падвышэнне ў класе. Наступныя чатыры сезоны клуб правёў у Другім дывізіёне, адкуль вылецеў па выніках сезону 1951/52. Прыкладна ў гэты час у каманду, з «Лідс Юнайтэд», перайшоў Тоні Інгем, пасля ўсталяваўшы рэкорд клубу, згуляўшы за яго 519 матчаў.

Другая палова XX стагоддзя |

Перад пачаткам сезону 1959/60 у клуб на пасаду старэйшага трэнера прыйшоў Алек Сток. Сток і Джым Грэгары, які пасля стаў старшынёй КПР, у сярэдзіне 1960-х цалкам перабудавалі працу клубу, а таксама стадыён і яго наваколлі^[2].

У сезоне 1966/67 КПР выйграў чэмпіянат у трэцім дывізіёне. У тым жа сезоне КПР стаў першым у гісторыі клубам, з трэцяга дывізіёна, якія здолеў узяць Кубак Футбольнай лігі, абыграўшы 4 сакавіка 1967 года «Вест Бромвіч Альбіён» з лікам 3:2. Праз 40 гадоў гэты трафей па-ранейшаму застаецца найвышэйшым дасягненнем у гісторыі клубу. Матч гэты ўвайшоў у гісторыю таксама і тым, што гэта быў першы фінал Кубка Футбольнай лігі, які быў згуляны на легендарным стадыёне «Уэмблі». У 1968 годзе КПР упершыню ў сваёй гісторыі выйшаў у Першы дывізіён, але толькі на год: наступныя чатыры сезоны клуб зноў праводзіў у другім. У пачатку сезону 1969/70 у каманду, з «Тотэнхэма Хотспура» перайшоў Тэры Венейблс. У той жа час сышоў, у «Манчэстэр Сіці», ранейшы лідар клубу Родні Марш, але неўзабаве ў клуб былі запрошаны новыя зоркі, як Філ Паркс, Дон Гівенс, Дэйв Томас і Стэнлі Боўлс. Побач з імі ў поўную сілу зайгралі і дамарослыя ігракі, як Дэйв Клемент, Ен Гілард, Мік Ліч і Джэры Фрэнсіс.

У 1974 годзе ў клуб прыйшоў новы менеджар Дэйв Секстан. Пад яго кіраўніцтвам клуб у сезоне 1975/76 заняў у Першым дывізіёне 2 месца, да чэмпіёнства не дабраўшы толькі адзін пункт. Пяць ігракоў гэтай зорнай каманды гулялі ў зборнай Англіі, а практычна ўсе астатнія ўключаліся ў зборныя Ірландыі, Паўночнай Ірландыі, Шатландыі, Уэльса. У канцы 1970-х гадоў КПР дэбютаваў у Кубку УЕФА, дайшоўшы да чвэрцьфіналу і прайграўшы грэчаскаму клубу AEK па пенальці. Пасля сыходу Секстана ў 1977 годзе клуб зайграў горш і ў 1979 годзе вярнуўся ў Другі дывізіён.

Тытулы |

Уладальнік Кубка лігі: 1967

Склад |

Станам на люты 2019 года.

№	Пазіцыя	Імя	Год нараджэння
1	Бр	Мэт Інграм	1993
2	Аб	Дарнел Фарланг	1995
3	Аб	Джэйк Бідуэл	1993
4	Аб	Грант Хол	1991
5	Аб	Джэф Кэмеран	1985
7	ПА	Люк Фрыман	1992
8	ПА	Джордан Кузінз	1994
10	ПА	Эберэчы Эзэ	1998
11	ПА	Джош Скоўэн	1993
13	Бр	Джо Ламлі	1995
14	ПА	Раян Мэнінг	1996
16	Нап	Томер Хемед	1987

№	Пазіцыя	Імя	Год нараджэння
17	Нап	Мэт Сміт	1989
20	ПА	Брайт Асаі-Самуэль	1997
21	ПА	Масіма Луонга	1992
22	Аб	Анхель Ранхель	1982
23	ПА	Павел Ушолак	1992
24	Аб	Осман Какай	1997
27	ПА	Аламіды Шадыпа	1997
28	ПА	Ніка Хямяляйнен	1997
32	Нап	Ніхка Уэлс	1990
33	Аб	Джаэл Лінч	1987
37	Аб	Тоні Ляйстэр	1990
44	ПА	Файсал Бітач	2000