Пруская акадэмія навук

Уваход у будынак Берлінскай дзяржаўнай бібліятэкі на Унтэр-дэн-Ліндэн

Пруская акадэмія навук (ням.: Preußische Akademie der Wissenschaften), таксама названая Берлінская акадэмія навук — акадэмія, заснаваная ў Берліне 11 ліпеня 1700 года.

Змест

1 Гісторыя

2 Вядомыя члены акадэміі

3 Прэміі

4 Зноскі

5 Спасылкі

Гісторыя |

Указ пра стварэнне акадэміі падпісаў прускі курфюрст Фрыдрых I, арганізацыя яе праходзіла пры актыўным удзеле Лейбніца, які таксама стаў яе першым прэзідэнтам. У момант заснавання акадэмія атрымала назву «Навуковае таварыства курфюрста Брандэнбургскага» (ням.: Kurfürstlich Brandenburgische Societät der Wissenschaften), прапанаваную Лейбніцам. Курфюрст адмовіўся фінансаваць дзейнасць акадэміі, але наўзамен падаў ёй манапольнае права на выданне календароў у Брандэнбургу.

У 1701 годзе Фрыдрых стаў каралём Прусіі, і акадэмія была адпаведна пераназвана ў Прускае каралеўскае навуковае таварыства (ням.: Königlich Preußische Sozietät der Wissenschaften). Таварыства атрымала для навуковых даследаванняў абсерваторыю (1709), анатамічны тэатр (1717), батанічны сад (1718). У 1710 годзе быў прыняты яго статут, які дзейнічаў да 1830 года. Навуковая рэпутацыя таварыства доўгі час была нізкай, часткова з-за невялікага фінансавання.

У 1744 годзе, ужо ў часы кіравання Фрыдрыха II, назва была зменена на Каралеўская акадэмія навук (ням.: Königliche Akademie der Wissenschaften). Фінансаванне акадэміі значна палепшылася, яна была пашырана і забяспечана лабараторыяй (1753), для ўдзелу і кіраўніцтва акадэміяй былі запрошаны першакласныя навукоўцы. У XIX стагоддзі Пруская акадэмія ўжо была аўтарытэтнай навуковай установай.

У XX стагоддзі пры нацыстах акадэмія падверглася расавай чыстцы. Пасля вайны ў 1946 годзе яна аднавіла сваю дзейнасць, але атрымала новую назву - Германская акадэмія навук (ням.: Deutsche Akademie der Wissenschaften,), а з 1972 года яна стала называцца Акадэміяй навук ГДР (ням.: Akademie der Wissenschaften der DDR). Пасля аб'яднання Германіі акадэмія стала называцца Берлінска-Брандэнбургскай акадэміяй навук (1992).

Вядомыя члены акадэміі |

Готфрыд Вільгельм Лейбніц — 1700

Якаб Герман — 1701

Дзмітрый Кантэмір — 1714

Джавані дэ Палені — 174?

Леанард Эйлер — 1741

П'ер Луі дэ Маперцюі — 1742

Жан Лерон Даламбер — 1745

Шарль Луі дэ Мантэск'ё, замежны член — 1746

Вальтэр — каля 1750

Дэні Дзідро, замежны член — 1751

Іаган Генрых Ламберт — 1763

Готхальд Эфраім Лесінг, замежны член — 1769

Франц Карл Ахард — 1782

Імануіл Кант — 1786

Аляксандр фон Гумбальт — 1786

Фрыдрых Шлеермахер — 1810

Браты Грым, Якаб і Вільгельм — 1840

Карл Густаў Якаб Якобі — 1844

Эліяс Лёнрат — 1850

Густаў Адольф Кенгат — 1852

Карл Веерштрас — 1856

Герман Гельмгольц, член-карэспандэнт — 1857; замежны член — 1870; правадзейны член — 1871

Карл Людвіг Гротэфенд — нямецкі археолаг, усходазнавец, нумізмат, архіварыус і гісторык.

Тэадор Момзен — 1857

Максіміліян Дункер — 1881^[1]

Фердынанд Георг Фробеніус — 1893

Макс Планк — 1894

Вольдэмар Фойгт — 1900

Карл Шварцшыльд — 1912

Альберт Эйнштэйн — 1914

Макс фон Лаўэ — 1919

Ота Ган — 1924

Прэміі |

Акадэмія ўручае прэміі, сярод якіх медаль Гельмгольца.

Зноскі

↑ Detlef Lotze. Bürger und Unfreie im vorhellenistischen Griechenland: ausgewählte Aufsätze.

Спасылкі |

На Вікісховішчы ёсць медыяфайлы па тэме Пруская акадэмія навук

History of the Academy of the Sciences (ням.)

[1] Detlef Lotze. Bürger und Unfreie im vorhellenistischen Griechenland: ausgewählte Aufsätze.

搜尋此網誌

Hfrxdjt