Віцебскі дзяржаўны ўніверсітэт імя П. М. Машэрава (ВДУ)
Дэвіз:	Docendo discimus
Заснаваны:	1910
Рэктар:	Аляксей Уладзіміравіч Ягораў
Сайт:	vsu.by
Выявы па тэме на Вікісховішчы

Віцебскі дзяржаўны ўніверсітэт імя П. М. Машэрава — вышэйшая навучальная ўстанова ў горадзе Віцебску.

Гісторыя |

У 1910 годзе ў Віцебску быў заснаваны настаўніцкі інстытут, якія рыхтаваў настаўнікаў для сярэдняй школы. У 1918 годзе ён быў ператвораны ў педагагічны інстытут. У пачатку 1920-х гадоў некалькі разоў мяняў назву і рэарганізовываўся, а ў 1924 годзе быў аб'яднаны з Беларускім дзяржаўным універсітэтам. У 1930 годзе быў узноўлены ў выглядзе індустрыяльна-педагагічнага інстытута, з 1933 года стаў называцца Віцебскім дзяржаўным педагагічным інстытутам. У 1934 годзе інстытуту было прысвоена імя С. М. Кірава. У 1935 годзе ў яго складзе быў створаны настаўніцкі інстытут.
Падчас Вялікай Айчыннай вайны карпусы інстытута былі разбураныя, а многія выкладчыкі і студэнты загінулі на фронце ці ў партызанскім руху. Нягледзячы на гэта, заняткі ў інстытуце зноў пачаліся ўжо ў 1944 годзе. Пасля вайны праца інстытута была адноўлена да пачатку 1950-х гг. У гэты час, аднак, былі ліквідаваныя настаўніцкі інстытут і філалагічны факультэт, а гістарычны факультэт інстытута быў пераведзены ў Магілёў. У 1960—1970 гг. інстытут актыўна развіваўся, адчыняліся новыя факультэты і павялічваўся прыём студэнтаў.

У 1995 годзе ВДПІ імя С. М. Кірава быў ператвораны ў Віцебскі дзяржаўны ўніверсітэт, а ў 1998 годзе ўніверсітэту было прысвоена імя свайго вядомага выпускніка П. М. Машэрава.

Універсітэт мае навукова-даследчую лабараторыю па біялогіі Беларускага Паазер'я, батанічны сад, рэдакцыйна-выдавецкі аддзел, музей гісторыі ўніверсітэта, мемарыяльны музей П. М. Машэрава, музеі — літаратурны, біялагічны, дэкаратыўна-прыкладнога мастацтва. З 1996 года выдаюцца часопіс «Веснік Віцебскага дзяржаўнага ўніверсітэта», з 2002 года «Вучоныя запіскі» УА «ВДУ ім. П. М. Машэрава», газета «Мы і час».

Факультэты |

• Факультэт беларускай філалогіі і культуры


• Біялагічны факультэт


• Гістарычны факультэт


• Матэматычны факультэт


• Педагагічны факультэт


• Факультэт сацыяльнай педагогікі і псіхалогіі


• Філалагічны факультэт


• Фізічны факультэт


• Факультэт фізічнай культуры і спорту


• Юрыдычны факультэт


• Мастацка-графічны факультэт

Рэктары |

• 
  Віктар Ніканавіч Вінаградаў, (1978—1997)


• 
  Аркадзь Уладзіміравіч Русецкі (1997-2009)


• 
  Аляксей Уладзіміравіч Ягораў (з 2014)

Выкладчыкі |

• 
  Вольга Дзмітрыеўна Акімава, 1938—1941 гг.


• 
  Леанід Сяргеевіч Анцімонаў, беларускі мастак


• 
  Таццяна Станіславаўна Бубенька, беларускі археолаг


• 
  Уладзімір Аляксандравіч Голубеў, беларускі астраном


• 
  Анатоль Максімавіч Дарафееў, беларускі заолаг


• 
  Алена Ціхаўна Жукава, беларускі вучоны-педагог у галіне тэхнічнай графікі


• 
  Анатоль Мікалаевіч Канапелька, беларускі паэт, загадчык кафедры беларускай літаратуры


• 
  Аляксандр Фёдаравіч Карпан, беларускі мастак


• 
  Веніямін Аркадзевіч Космач, беларускі гісторык


• 
  Ігар Міхайлавіч Курбатаў, загадчык кафедры арганічнай і біялагічнай хіміі ў 1939—1941 гг.


• 
  Валянціна Аўраамаўна Маслава, беларускі мовазнавец


• 
  Алесь Мемус, беларускі мастак, выкладаў у 1974-99 гадах


• 
  Леанід Мікалаевіч Ніканаў, загадчык кафедры батанікі (з 1941 г.)^[1]


• 
  Уладзімір Папковіч, беларускі пісьменнік, перакладчык, загадчык кафедры нямецкай літаратуры


• 
  Вольга Іванаўна Русілка, беларуская паэтэса, загадчык кафедры беларускай літаратуры


• 
  Іван Міхайлавіч Сталяроў, беларускі мастак


• 
  Міхаіл Леанідавіч Цыбульскі, беларускі мастацтвазнавец

Вядомыя выпускнікі |

• 
  Уладзімір Іванавіч Акулаў, беларускі мастак


• 
  Арцём Арашонак, беларускі пісьменнік і перакладчык


• 
  Анатоль Іванавіч Гармаза, беларускі мастак


• 
  Фелікс Фёдаравіч Гумен, беларускі мастак


• 
  Аляксандр Ігаравіч Дасужаў, беларускі мастак


• 
  Мікалай Мікалаевіч Дундзін, беларускі мастак


• 
  Андрэй Эрыхавіч Духоўнікаў, беларускі мастак


• 
  Канстанцін Барысавіч Езавітаў, беларускі палітычны, грамадскі і ваенны дзеяч, публіцыст, перакладчык, педагог


• 
  Міхаіл Ермашкевіч, беларускі рымска-каталіцкі дзеяч


• 
  Анатоль Пятровіч Жураўлёў, беларускі мастак


• 
  Уладзімір Усцінавіч Іваноў, беларускі мастак


• 
  Іван Любачка (1915—1977), беларускі гісторык


• 
  Алег Данілавіч Кастагрыз, беларускі мастак


• 
  Васіль Кузьміч Касцючэнка, беларускі мастак


• 
  Мікалай Уладзіміравіч Кірэеў, беларускі мастак


• 
  Барыс Андрэевіч Лазука, беларускі мастацтвазнавец


• 
  Анатоль Андрэевіч Люцко, беларускі мастак


• 
  Аляксей Антонавіч Марачкін, беларускі мастак


• 
  Уладзімір Іванавіч Пракапцоў, генеральны дырэктар Нацыянальнага мастацкага музея Рэспублікі Беларусь.


• 
  Сяргей Васільевіч Рублеўскі, беларускі пісьменнік


• 
  Уладзімір Канстанцінавіч Слабін, беларускі вучоны-біёлаг


• 
  Лера Сом, беларуская паэтэса


• 
  Мікалай Іванавіч Таранда, беларускі мастак


• 
  Барыс Якаўлевіч Хесін, беларускі мастак


• 
  Наталля Арсенцьеўна Чорнагалова, беларускі мастак


• 
  Уладзімір Дзмітрыевіч Шапо, беларускі акварэліст, графік


• 
  Пётр Пятровіч Шарыпа, беларускі мастак


• 
  Павел Пятровіч Шастакоў, беларускі паэт, журналіст


• 
  Аляксандр Сяргеевіч Шыёнак, беларускі мастак


• 
  Віктар Аляксандравіч Шылко, беларускі мастак


• 
  Алена Ярмаловіч, паэтэса

Вывучэнне польскай мовы |

У 1990-х гадах студэнты факультэтаў беларускай філалогіі і гісторыі, а таксама рускай філалогіі мелі магчымасць вывучаць польскую мову ў факультатыўных групах. Дзякуючы патрымцы Польскага інстытута ў Мінску, універсітэт падпісаў дамову аб супрацоўніцтве з Універсітэтам у Беластоку^[2].

Абвінавачванні ў палітычных рэпрэсіях студэнтаў |

ВНУ абвінавачваецца ў выключэнні студэнтаў з-за палітычных прычын. Паводле рапарту польскага Фонду Свабода і Дэмакратыя і паводле беларускага Камітэту «Салідарнасць», Аркадзь Русецкі, рэктар універсітэта, выключыў 2-х студэнтаў за іх палітычную дзейнасць^[3][4].

Зноскі

Літаратура |

• 
  Витебск: Энциклопедический справочник / Гл. редактор И. П. Шамякин — Мн.: БелСЭ им. П. Бровки, 1988. — С. 278. — 408 с. — 60 000 экз. — ISBN 5-85700-004-1.(руск.) 
  


• 
  пад рэд. др Дар'юша Залеўскага, Марка Буцька, Міхала Куркевіча і Томаша Пісулі Białoruski system represji. Prześladowcy i ich ofiary. Raport z realizacji projektu „Centrum dokumentacji i pomocy ofiarom represji politycznych na Białorusi” — Варшава: Фонд Свабода і Дэмакратыя, снежань 2007. — С. 72. (польск.) 
  


• 
  Агнешка Грэндзік-Радзяк Oświata i szkolnictwo polskie na ziemiach północno-wschodnich II Rzeczypospolitej i współczesnej Białorusi 1939–2001 — Торунь: Europejskie Centrum Edukacyjne, 2007. — 441 с. — ISBN 978-83-60738-09-2. (польск.) 
  

	Віцебскі дзяржаўны ўніверсітэт імя П. М. Машэрава на Вікісховішчы