Віцебская вобласць
Сцяг Герб
Краіна	Беларусь
Уваходзіць у	Беларусь (1991—?)
Уключае	21 раён
Адміністрацыйны цэнтр	Горад Віцебск
Дата ўтварэння	1938
Афіцыйная мова	беларуская, руская
Насельніцтва (2009)	1 231 000 жыхароў
Шчыльнасць	30,7 чал./км²
Плошча	40,1 тыс. км²
Вышыня над узроўнем мора  • Найвышэйшы пункт	210 м Воўчая гара м
Код ISO 3166-2	BY-VI
Код аўтам. нумароў	2
Афіцыйны сайт
Віцебская вобласць на Вікісховішчы

Віцебская вобласць — адміністрацыйна-тэрытарыяльная адзінка Рэспубліцы Беларусь. Размешчана на поўначы краіны ў сярэднім цячэнні Заходняй Дзвіны і вярхоўях Дняпра. На ўсходзе мяжуе са Смаленскай, на поўначы — з Пскоўскай абласцямі Расійскай Федэрацыі, на паўночным захадзе — з Латвіяй, на захадзе — з Літвой і Гродзенскай вобласцю, на поўдні — з Мінскай і Магілёўскай абласцямі. Адміністрацыйны цэнтр — горад Віцебск.

Гісторыя |

Віцебская вобласць БССР у студзені 1940 года

Віцебская вобласць утворана 15 студзеня 1938 г. У 1944 г. заходняя частка вобласці была далучана да Полацкай вобласці, у 1954 г. яна была зноў далучана да Віцебскай вобласці. У 1960 г. да Віцебскай вобласці адыйшла паўночная частка Маладзечaнскай вобласці з гарадамі Браслаў і Паставы, у 1961 г. — Бягомльскі раён Мінскай вобласці (пазней далучаны да Докшыцкага). Падзяляецца на 21 раён.

У 1984 г. на тэрыторыі вобласці знаходзілася 19 гарадоў, 24 гарадскія пасёлкі, 2 рабочыя пасёлкі.

У 1995 г. у вобласці налічвалася 20 гарадоў, у т.л. 5 абласнога падпарадкавання, 9 гарадскіх пасёлкаў, 225 сельсаветаў, 2194 сельскіх населеных пунктаў.

У 2013 годзе Орша і Полацк былі пазбаўлены статусу гарадоў абласнога падпарадкавання і былі аб'яднаны з раёнамі.

Геральдыка |

2 чэрвеня 2009 года Віцебская вобласць, апошняй з рэгіёнаў Беларусі, атрымала свой герб і сцяг. За аснову сучаснага герба аблвыканкам узяў герб Віцебскай губерні 1856 года. На гербе адлюстраваны коннік, які ўздымае меч над галавой і трымае ў руцэ круглы тарк, чырвонае сядло на срэбраным кані накрытае залатым каўром. Тарк узвенчаны імператарскай каронай з залатымі дубовымі лістамі. Прыняцце спрадвечнага, хоць і змененага пад час існавання Расійскай імперыі герба, ёсць данінай памяці мужным войнам, што загінулі за родную зямлю.

Рэльеф і гідраграфія |

Карта

Для рэльефа Віцебшчыны характэрна чаргаванне ўзвышшаў і нізін. Амаль уся тэрыторыя Віцебскай вобласці размешчана ў межах Беларускага Паазер'я. На поўдні знаходзяцца Чашніцкая раўніна і Верхнебярэзінская нізіна. На ўсходзе — Лучоская нізіна. На паўночным усходзе — Суражская нізіна. У цэнтральнай частцы і на захадзе распрасціраецца Полацкая нізіна, якая займае амаль палавіну тэрыторыі. Чвэрць тэрыторыі вобласці займаюць ўзвышшы і грады:

• 
  Аршанскае ўзвышша,


• 
  Асвейская града,


• 
  Браслаўская града,


• 
  Віцебскае ўзвышша (яго вышыня дасягае 295 м над узроўнем мора),


• 
  Гарадоцкае ўзвышша,


• 
  Докшыцкае ўзвышша,


• Лукомскае ўзвышша


• 
  Нешчардаўскае ўзвышша,


• Свянцянскія грады


• 
  Ушацка-Лепельскае ўзвышша.

Вобласць займае першае месца ў Беларусі па шчыльнасці рачной сеткі, па колькасці і агульнай плошчы азёр. Рэкі, якія цякуць па тэрыторыі Віцебскай вобласці, адносяцца да басейна Заходняй Дзвіны (займаюць 80 % плошчы), а таксама Дняпра, Нёмана, Ловаці. Найбольшыя з рэк — Заходняя Дзвіна з прытокамі Усвяча, Обаль, Палата, Дрыса, Каспля, Лучоса, Ула, Ушача, Дзісна, таксама суднаходны Дняпро. На тэрыторыі вобласці бяруць пачатак прытокі Дняпра — Бярэзіна і Друць. У вобласці больш за 2,8 тыс. азёр. Найбольшыя па плошчы Асвейскае возера, Лукомскае возера, а таксама Дрысвяты, Дрывяты, Нешчарда, Снуды, Езярышча, Струста, Абстэрна, Сосна, Добрына і інш.

Клімат |

Клімат у вобласці ўмерана кантынентальны, зіма адносна працяглая і марозная, лета халаднаватае і вільготнае. У студзені сярэдняя тэмпература паветра складае ад −6,5 °C на захадзе да −8,5 °C на ўсходзе. У ліпені каля +17 — +18 °C. За год на раўнінах выпадае 600 мм ападкаў, на ўзвышшах — да 750 мм. Каля 70 % ападкаў выпадае ў цёплую пару года. Вегетацыйны перыяд доўжыцца 180—190 сутак.

Прырода |

У складзе сельскагаспадарчых зямель пераважаюць дзярнова-падзолістыя глебы (сугліністыя і супясчаныя), а таксама дзярновыя забалочаныя, дзярнова-падзолістыя забалочаныя глебы і тарфяна-балотныя глебы; характэрна мазаічнасць і завалуненасць глебаў.

Больш за трэцюю частку тэрыторыі вобласці пакрываюць лясы, у Полацкім і Расонскім раёнах лясістасць перавышае 50 %. Галоўныя лесаўтваральныя пароды — хвоя звычайная і елка еўрапейская, характэрны таксама бяроза павіслая, вольха шэрая, асіна. Пад балотамі знаходзіцца каля 6 % тэрыторыі. Балоты верхавога і нізіннага тыпу, у значнай ступені асушаныя.

На тэрыторыі вобласці знаходзіцца нацыянальны парк Браслаўскія азёры, Бярэзінскі біясферны запаведнік (часткова).

Насельніцтва |

Для Віцебскай вобласці характэрна змяншэнне колькасці насельніцтва:

1995 — 1438,8 тыс.

2003 — 1334,5 тыс.

2007 — 1273,3 тыс.

2009 — 1230,8 тыс.^[1].

2011 — 1217,1 тыс.^[2].

Гарадское насельніцтва складае 73 %, сельскае — 27 % (2009).
Жаночае насельніцтва складае 53,7 %, мужчынскае — 46,3 % (2009).

Да працаздольнага насельніцтва адносіцца 780938 жыхароў вобласці ці 61,7 % (2009).

Найбуйнейшыя гарады (2011): Віцебск (362,6 тыс. чал.), Орша (132,3), Наваполацк (105,1), Полацк (83,8).

Нацыянальны склад насельніцтва (1999): 1. беларусы — 82,0 %, 2. рускія — 13,6 %, 3. украінцы — 1,6 %, 4. палякі — 1,5 %.

• 
  

  

  
  

  
  

  Беларусы ў вобласці     >90%     85—90%     80–85%     <80% (64,59%)
  

  
  

  
  


• 
  

  

  
  

  
  

  Рускія ў вобласці     >15% (15,51%)     10–15%     8–10%     5–8%     <5%
  

  
  

  
  


• 
  

  

  
  

  
  

  Палякі ў вобласці     >5% (18,66%)     2–5%     1–2%     0,5–1%     <0,5%
  

  
  

  
  

Гаспадарка |

У гаспадарчым комплексе важнае месца займае прамысловасць. Віцебская вобласць спецыялізуецца на вытворчасці прадукцыі нафтаперапрацоўчай (ААТ Нафтан), машынабудаўнічай, хімічнай, дрэваапрацоўчай, лёгкай, харчовай галін. У Новалукомлі працуе самая магутная на Беларусі Лукомская ДРЭС.

На Віцебшчыне вырошчавюцца збожжавыя (ячмень, жыта), кармавыя культуры, важнае значэнне мае лён, бульба. Жывёлагадоўля мае малочна-мясны кірунак.

У структуры перавозак важнейшае месца займаюць чыгуначны і аўтамабільны, а таксама трубаправодны транспарт.

Адміністрацыя |

Старшыня аблвыканкама — Мікалай Мікалаевіч Шарснёў.

Сродкі масавай інфармацыі |

Абласная прэса прадстаўлена дзяржаўнымі газетамі «Віцебскі рабочы» і «Народнае слова», заснавальнік абедзвюх — Віцебскі абласны выканаўчы камітэт.

Тэлерадыёкампанія «Віцебск» выдае ў эфір 2 радыёпраграмы, таксама працуе 15 гарадскіх і раённых радыёпраграм, дзейнічае 5 недзяржаўных FM-станцый:

• Люкс


• Новы стыль


• Радыё Віцебск (Віцебск)


• Саміт Радыё (Полацк)


• Радыё Скіф (Орша)

Гл. таксама |

• Віцебскае княства


• Друцкае княства


• Полацкае княства


• Віцебскае ваяводства


• Полацкае ваяводства


• Віцебская губерня


• Полацкая губерня


• Віцебскі абласны камітэт КП Беларусі

Спасылкі |

• Віцебская вобласць на афіцыйным сайце Рэспублікі Беларусь


• 
  Віцебскі аблвыканкам (руск.) 
  


• Віцебская вобласць, гарады і вёскі. Фота славутасцяў


• Праект Віцебскай абласной бібліятэкі ПРЫДЗВІНСКІ КРАЙ: ГІСТОРЫЯ І СУЧАСНАСЦЬ


• Віцебск і вобласць на Акавіце


• 
  Выдатныя мясціны на партале globus.tut.by (руск.) 
  


• 
  Мапа Віцебскай вобласці на emaps-online (руск.) 
  

Літаратура |

• Віцебская вобласць // Рэспубліка Беларусь : вобласці і раёны : энцыклапедычны даведнік / аўт.-склад. Л. В. Календа. — Мн., 2004. — С. 92-95.


• Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. — Мн., 1985.


• Регион. Витебская область. Время действий и преобразований = The region. Vitebsk region. The time of actions and transformations / ред.-сост. М. В. Шиманский, А. Ф. Градюшко; фото В. С. Стрелковский [и др.]. — Мн., 2006. — 196 с.

Зноскі

Гарады і гарадскія пасёлкі Віцебскай вобласці

Віцебск · Барань · Бешанковічы · Браслаў · Верхнядзвінск · Гарадок · Глыбокае · Дзісна · Докшыцы · Дуброўна · Лепель · Лёзна · Мёры · Наваполацк · Новалукомль · Орша · Паставы · Полацк · Расоны · Сянно · Талачын · Ушачы · Чашнікі · Шаркаўшчына · Шуміліна

 

г р п Адміністрацыйны падзел Віцебскай вобласці Гарады абласнога падпарадкавання Віцебск • Наваполацк Раёны Аршанскі • Бешанковіцкі • Браслаўскі • Верхнядзвінскі • Віцебскі • Гарадоцкі • Глыбоцкі • Докшыцкі • Дубровенскі • Лепельскі • Лёзненскі • Мёрскі • Пастаўскі • Полацкі • Расонскі • Сенненскі • Талачынскі • Ушацкі • Чашніцкі • Шаркаўшчынскі • Шумілінскі

Адміністрацыйны падзел Беларусі

Брэсцкая вобласць • Віцебская вобласць • Гомельская вобласць • Гродзенская вобласць • Магілёўская вобласць • Горад Мінск • Мінская вобласць