Дэвід Грэй

	; Дэвід Грэй ; ; англ.: David Gray; ;
	;
Дата нараджэння:;	; 9 лютага 1979(1979-02-09) (40 гадоў);
Месца нараджэння:;	; Лаўэр Мордэн, Англія;
Грамадзянства:;	; Англія;
Прафесійная кар'ера:;	1996–2010;
Найвышэйшы рэйтынг:;	12 (06.05.2003–03.05.2004);
Прызавыя грошы:;	> £640,000;
Найвышэйшая серыя:;	; 147 (2 разы:; Чэмпіянат Вялікабрытаніі 2004,; PTC 2011/2012 - Этап 10);
; Колькасць соценных серый:;	85;
; Перамогі на турнірах;
Рэйтынгавыя турніры:;	1;
; Іншыя прафесійныя турніры:;	1;
Чэмпіянат свету:;	чвэрцьфінал (2004);

Дэвід Грэй (англ.: David Gray; нар. 9 лютага 1979, Лаўэр Мордэн, Вялікі Лондан, Англія) — англійскі былы прафесійны гулец у снукер. Пераможца адкрытага чэмпіянату Шатландыі 2003 года і фіналіст чэмпіянату Вялікабрытаніі 2004 года. Былы 12-ы нумар сусветнага рэйтынгу (2003/2004), з 2001 да 2007 года ўваходзіў у топ-32, а з 2003 да 2005 — у топ-16. Аўтар двух максімальных брэйкаў.

Пачаў прафесійную кар'еру ў 1996 годзе ва ўзросце 17 гадоў пасля таго, як стаў самым маладым чэмпіёнам Англіі сярод аматараў, і ў першым жа сезоне дэбютаваў у асноўнай стадыі чэмпіянату Вялікабрытаніі і дайшоў да 1/8 фіналу рэйтынгавага адкрытага чэмпіянату Германіі. У 1998 годзе патрапіў у асноўную стадыю чэмпіянату свету, увайшоў у топ-64 сусветнага рэйтынгу, а таксама перамог на турніры Benson and Hedges Championship, што дазволіла яму ўпершыню прыняць удзел на найбуйнейшым запрашальным снукерным турніры — Мастэрс. У 2000 годзе дайшоў да стадыі 1/8 фіналу сусветнага першынства, а ў сезоне 2001/2002 патрапіў у топ-32 рэйтынгу і ўпершыню дайшоў да фіналу рэйтынгавага турніру на адкрытым чэмпіянаце Шатландыі, дзе саступіў Стывену Лі (2:9). Праз год атрымаў сваю адзіную рэйтынгавую перамогу на адкрытым чэмпіянаце Шатландыі, перамогшы ў фінале Марка Сэлбі (9:7), а ў сезоне 2003/2004 увайшоў у топ-16 снукерыстаў свету і дайшоў да чвэрцьфінальнай стадыі сусветнага першынства, дзе саступіў Грэму Доту (7:13), што стала яго найлепшым вынікам на найбуйнейшым снукерным спаборніцтве. У канцы 2004 года дайшоў да фіналу чэмпіянату Вялікабрытаніі, дзе быў разгромлены Стывенам Магуайрам (1:10), а ў 2006 годзе ў апошні раз гуляў у асноўнай стадыі чэмпіянату свету, дзе дайшоў да 1/8 фіналу. Скончыў сезон 2009/2010 на 79-й пазіцыі і быў вымушаны пакінуць мэйн-тур, пасля чаго на працягу некалькіх наступных сезонаў гуляў у турнірах серыі PTC і намагаўся вярнуць сабе прафесійны статус праз Q School, але беспаспяхова. У агульнай колькасці тройчы гуляў на турніры Мастэрс, але не праходзіў далей за 1/8 фіналу.

За сваю прафесійную кар'еру аформіў больш за 80 соценных брэйкаў і ўваходзіць у топ-70 снукерыстаў з найбольшай колькасцю соценных серый у гісторыі снукера, а таксама зарабіў больш за 600 тысяч фунтаў стэрлінгаў прызавых грошай, уваходзячы ў топ-60 снукерыстаў у гісторыі па іх колькасці.

Змест

1 Фіналы турніраў
- 1.1 Рэйтынгавыя турніры: 3 (1 перамога, 2 паразы)
- 1.2 Прафесійныя снукерныя турніры: 4 (2 перамогі, 2 паразы)
- 1.3 Прафесійна-аматарскія і запрашальныя турніры: 1 (1 перамога)

2 Зноскі

3 Спасылкі

Фіналы турніраў |

Рэйтынгавыя турніры: 3 (1 перамога, 2 паразы) |

Легенда
Чэмпіянат свету (0:0)
Чэмпіянат Вялікабрытаніі (0:1)
Іншыя (1:2)

№	Вынік	Год	Турнір	Апанент у фінале	Лік
1	Параза	2002	Адкрыты чэмпіянат Шатландыі	Лі, Стывен Стывен Лі	2:9
2	Перамога	2003	Адкрыты чэмпіянат Шатландыі	Сэлбі, Марк Марк Сэлбі	9:7
3	Параза	2004	Чэмпіянат Вялікабрытаніі	Магуайр, Стывен Стывен Магуайр	1:10

Прафесійныя снукерныя турніры: 4 (2 перамогі, 2 паразы) |

Легенда
Рэйтынгавыя турніры (1:2)
Нізкарэйтынгавыя турніры (0:0)
Нярэйтынгавыя турніры (1:0)
Турніры з альтэрнатыўным фарматам (0:0)

Вынік	ПДВ	Дата	Турнір	Апанент у фінале	Лік
Перамога	1	12 лістапада 1998	Benson and Hedges Championship, Мэлвэрн, Англія	Харальд, Дэйв Дэйв Харальд	9:6
Параза	1	14 красавіка 2002	Адкрыты чэмпіянат Шатландыі, Абердын, Шатландыя	Лі, Стывен Стывен Лі	2:9
Перамога	2	14 красавіка 2003	Адкрыты чэмпіянат Шатландыі, Эдынбург, Шатландыя	Сэлбі, Марк Марк Сэлбі	9:7
Параза	2	28 лістапада 2004	Чэмпіянат Вялікабрытаніі, Ёрк, Англія	Магуайр, Стывен Стывен Магуайр	1:10

Прафесійна-аматарскія і запрашальныя турніры: 1 (1 перамога) |

Вынік	ПДВ	Дата	Турнір	Апанент у фінале	Лік
Перамога	1	1996/1997	Merseyside Professional Championship, Ліверпул, Англія	Суіні, Пол Пол Суіні	5:2

Зноскі

Спасылкі |

Статыстыка Дэвіда Грэя на CueTracker.net (англ.)

[wc-1] Джэймс Уатана скончыў сваю прафесійную кар’еру, але мае права выступаць на прафесійных турнірах.

[wc-2] 1,0^1,1^1,2 Джымі Уайт, Кен Доэрці і Джэймс Уатана скончылі свае прафесійныя кар'еры, але маюць права выступаць на прафесійных турнірах.

搜尋此網誌

Hfrxdjt